Эльбрусоид :: Эльбрусоид

Аш хазыр болса, иш харам болур.
Ёксюзню тилеги къабыл болур.
Юреннген ауруу къалмаз.
Тойчу джашха къарама, къойчу джашха къара.
Бир абыннган – минг сюрюнюр.
Тюз сёз баргъан сууну тыяр.
«Ёгюз, джаргъа джууукъ барма, меннге джюк боллукъса», - дегенди эшек.
Билим къая тешер.
Эрни эр этерик да, къара джер этерик да, тиширыуду.
Иги сеники эсе да, сюйген кесимикин этеме.
Ат басханны джер билед.
Ёлген аслан – сау чычхан.
Хар сёзню орну барды.
Кёзю сокъурдан – къоркъма, кёлю сокъурдан – къоркъ.
Ашаса, ашамаса да, бёрюню ауузу – къан.
Кёбден умут этиб, аздан къуру къалма.
Башланнган иш битер, къымылдагъан тиш тюшер.
Таш бла ургъанны, аш бла ур.
Ана къолу ачытмаз.
Ач да бол, токъ да бол – намысынга бек бол.
Кёзден кетген, кёлден да кетеди.
Къоркъакъны кёзю экили кёрюр.
Кесинг сынамагъан затны, адамгъа буюрма.
Къонакъны къачан кетерин сорма, къачан келлигин сор.
Дженгил джетерикме деб, узун джолну къоюб, къысхасын барма.
Аз айтсам, кёб ангылагъыз.
Олтуруб кёрюнмей эди да, ёрге туруб кёрюне эди.
Ачылгъан эт джабылыр, кёрген кёз унутмаз.
Тыш элде солтан болгъандан эсе, кесинги элде олтан болгъан игиди!
Тёзген – тёш ашар!
Джолда аягъынга сакъ бол, ушакъда тилинге сакъ бол.
Къартны бурнун сюрт да, оноугъа тут.
Халкъны юйю – туугъан джери.
Ата Джуртуму башы болмасам да, босагъасында ташы болайым.
Аууздан келген, къолдан келсе, ким да патчах болур эди.
Адеб базарда сатылмаз.
Джумушакъ сёз къаты таякъны сындырыр.
Суугъа – чабакъ, къаягъа – ыргъакъ.
Къошда джокъгъа – юлюш джокъ.
Адам къыйынлыгъын кёлтюрюр, зауукълугъун кёлтюрмез.
Къыйынлы джети элни къайгъысын этер.
Ариу сёзде ауруу джокъ.
Хансыз джомакъ болмаз.
Этни бети бла шорпасы.
Кенгеш болса, уруш болмаз.
Кёбню кёрген – кёб билир.
Ашын ашагъанынгы, башын да сыйла.
Таш ата билмеген, башына урур.
Кёл ашады да, кеси ашады.
Къая джолда джортма, ачыкъ сёзден къоркъма.