- Ишлерге уял да, ашаргъа табма.
- Баланы адам этген анады.
- Ойнаб айтсанг да, эслеб айт.
- Кёрмегеннге кебек – танг, битмегеннге сакъал – танг.
- Тай асырагъан, атха минер.
- Уллу айтханны этмеген – уллаймаз.
- Байлыкъ адамны сокъур этер.
- Джуртун къоругъан озар.
- Ашхы сёз таш тешер.
- Чёбню кёлтюрсенг, тюбюнден сёз чыгъар.
- Таула не мийик болсала да, аууш табылыр.
- Юреннген ауруу къалмаз.
- Болджал ишни бёрю ашар.
- Тели турса – той бузар.
- Экиндини кеч къылсанг, чабыб джетер ашхам.
- Зар адамны насыбы болмаз.
- Уясында не кёрсе, учханында аны этер.
- Окъуусуз билим – джокъ, билимсиз кюнюнг – джокъ.
- Ишлемеген – тишлемез.
- Тешик этген тынчды, аны джамагъан къыйынды.
- Таукел тауну аудурур.
- Телини эшигин, махтау джабар.
- Аман киши кеси юйюнде – къонакъ.
- Сёлеш деб шай берген, тохта деб, сом берген.
- Тенгинг джокъ эсе – изле, бар эсе – сакъла!
- Джаханимни кёрмей, джандетге кёл салмазса.
- Джылар джаш, атасыны сакъалы бла ойнар.
- Ач – эснер, ат – кишнер.
- Къарт бла баш аша, джаш бла аякъ аша.
- Чомарт къонакъ юй иесин сыйлар.
- Кийим тукъум сордурур.
- Тёгюлген тюгел джыйылмайды.
- Тилчиден кери бол.
- Адамны артындан къара сабан сюрме.
- Аманнга алтын чыдамаз.
- Аджалсыз ёлюм болмаз.
- Рысхысына кёре, джаш ёсер, къышлыгъына кёре, мал ёсер.
- Малны кют, джерни тюрт.
- Чакъырылмагъан къонакъ тёрге атламаз.
- Джашны джигитлиги сорулур, къызны джигерлиги сорулур.
- Аурууну келиую тынч, кетиую – къыйын.
- Иги сёз – джаннга азыкъ, аман сёз башха – къазыкъ.
- Ургъан суудан башынгы сакъла.
- Сууда джау джокъ, кёб сёзде магъана джокъ.
- Эки къатын алгъан – эки ташны ортасына башын салгъан.
- Чакъырылмагъан джерге барма, чакъырылгъан джерден къалма.
- Ашхы болсанг, атынг чыгъар, аман болсанг, джанынг чыгъар.
- Ёпкелегенни ашы татлы болады.
- Ойнай-ойнай кёз чыгъар.
- Алтыннга тот къонмаз.
