- Эркишини аманы тиширыуну джылатыр.
- Джаш къарыу бла кючлю, къарт акъыл бла кючлю.
- Элни кючю – эмеген.
- Билим къая тешер.
- Кёзю сокъурдан – къоркъма, кёлю сокъурдан – къоркъ.
- Урама да – ёледи, сатама да – келеди.
- Джогъун бар этген, барын бал этген.
- Ач келгенни – тойдур, кеч келгенни – къондур.
- Кёбге таш атма.
- Намысы джокъну – дуниясы джокъ.
- Адам сёзге тынгыла, акъыл сёзню ангыла.
- Ишлегенден, къарагъан уста.
- Келлик заман – къартлыкъ келтирир, кетген заман – джашлыкъ ёлтюрюр.
- Тюзлюк тас болмайды.
- Ишлемеген – тишлемез.
- Ата – баланы уясы.
- Танг атмайма десе да, кюн къоярыкъ тюйюлдю.
- Сабийликде юретмесенг, уллу болса – тюзелмез.
- Чомартны къолу берекет.
- Чабар ат – джетген къыз.
- Малны кют, джерни тюрт.
- Бети – къучакълар, джюреги – бычакълар.
- Кёбден умут этиб, аздан къуру къалма.
- Кечеси – аяз, кюню – къыш, джарлы къаргъагъа бир аш тюш!
- Бети къызарыучу адамны, джюреги харам болмаз.
- Ата Джуртуму башы болмасам да, босагъасында ташы болайым.
- Ач отунчуну ачыуу – бурнунда.
- Джети тилни билген джети кишиди.
- Къарнынг ауруса, ауузунгу тый
- Тюкюрюк баш джармаз, налат кёз чыгъармаз!
- Къумурсхала джыйылсала, пилни да джыгъадыла.
- Узун джолну барсанг, бюгюн келирсе, къысха джолну барсанг, тамбла келирсе.
- Тай асырагъан, атха минер.
- Джетген къыз джерли эшекни танымаз.
- Тёзгеннге, джабылгъан эшик ачылыр.
- Сёз сёзню айтдырыр.
- Тойгъан антын унутур.
- Джашынгы кесинг юретмесенг, джашау юретир.
- Акъыл сабырлыкъ берир.
- Нарт сёз – тилни бети.
- Тюзню ётмеги тюзде къалса да, тас болмаз.
- Окъуу – билимни ачхычы, окъуу – дунияны бачхычы.
- Адам къыйынлыгъын кёлтюрюр, зауукълугъун кёлтюрмез.
- Харам къарнашдан, халал тенг ашхы.
- Минг тенг да азды, бир джау да кёбдю.
- Олтуруб кёрюнмей эди да, ёрге туруб кёрюне эди.
- Джиби бир къат джетмей эди да, эки къат тарта эди.
- Аурууну келиую тынч, кетиую – къыйын.
- Ишленмеген джаш – джюгенсиз ат, ишленмеген къыз – тузсуз хант.
- Къарыусузгъа кюлме, онгсузгъа тийме.
svenska
|
Список альбомов пуст.