- Адеб джокъда, намыс джокъ.
- Къайтырыкъ эшигинги, къаты уруб чыкъма.
- Акъыллы эркиши атын махтар, акъылсыз эркиши къатынын махтар.
- Джаным-тиним – окъуу, билим.
- Биреуню къыйынлыгъы бла кесинге джол ишлеме.
- Акъдан къара болмаз.
- Байма, деб да, къууанма, джарлыма, деб да, джылама.
- Таукел адам тау тешер.
- Кийимни бир кюнню аясанг, минг кюннге джарар.
- Мал кёб болса, джууукъ кёб болур.
- Таякъ этден ётер, тил сюекден ётер.
- Рысхы джалгъанды: келген да этер, кетген да этер.
- Айтхан – тынч, этген – къыйын.
- Ким бла джюрюсенг, аны кёзю бла кёрюнюрсе.
- Аманнга игилик этсенг, юйюнге сау бармазса.
- Сибиртки да сыйлы болду, кюрек да кюнлю болду.
- Джырчы джырчыгъа – къарнаш.
- Ач уят къоймаз.
- Шайтан алдады, тюзлюк къаргъады.
- Айран ичген – къутулду, джугъусун джалагъан – тутулду.
- Окъдан джара эртде-кеч болса да бителир, сёз джара, ёмюрге къалыр.
- Аманнга алтын чыдамаз.
- Ишге юренсин къоллары, халкъ бла болсун джоллары.
- Юйлю уругъа ит чабмаз.
- Халкъны юйю – туугъан джери.
- Игиге айтсанг – билир, аманнга айтсанг – кюлюр.
- Аурууну келиую тынч, кетиую – къыйын.
- Къызын тута билмеген, тул этер, джашын тута билмеген, къул этер.
- Къарнынг ауруса, ауузунгу тый
- Тулпарлыкъ, билекден тюл – джюрекден.
- Ат басханны джер билед.
- Ёгюзню мюйюзюнден тутадыла, адамны сёзюнден тутадыла.
- Кёз – сюйген джерде, къол – ауругъан джерде.
- Къарнынг бла ёч алма.
- Джогъун бар этген, барын бал этген.
- Эри аманны, къатыны – аман.
- Ашда – бёрю, ишде – ёлю.
- Уллу къазанда бишген эт, чий къалмаз.
- Ариуну – ауруу кёб.
- Бойнуму джети джерден кессенг да, мен ол ишни этеллик тюлме.
- Сёз – кюмюш, джыр – алтын.
- Аш кетер да бет къалыр.
- Аджашхан тёгерек айланыр.
- Чомартха хар кюн да байрамды.
- Тойгъан джерге джети къайт.
- Билим насыб берир, билим джолну керир.
- Ишленмеклик адамлыкъды.
- Эринчекни аурууу – кёб.
- Джыланны къуйругъундан басарынг келсе, аны башы болгъанын унутма.
- Аман адамны тепсинге олтуртсанг, къызынгы тилер.
|
БышлакъБиширген
|
