Эльбрусоид :: Эльбрусоид

Уллу суу бла уллу ауруудан башынгы сакъла.
Ушамагъан – джукъмаз.
Насыб бютеу халкъны юлюшюдю.
Ачылгъан эт джабылыр, кёрген кёз унутмаз.
Ашыкъгъанны этеги бутуна чырмалыр.
Aдам боллукъ, сыфатындан белгили.
Кёзюнде тереги болгъан, чёбю болгъаннга кюле эди.
Акъыл аздырмаз, билим тоздурмаз.
Тилчи тилден къаныкъмаз.
Киштикге къанат битсе, чыпчыкъ къалмаз эди.
Мал тутхан – май джалар.
Тешигини къатында, чычхан да батыр болур.
Ата – билек, ана – джюрек!
Тойну къарнашы – харс, джырны къарнашы – эжиу.
Ачлыкъда тары гырджын халыуадан татлы.
Этим кетсе да, сюегим къалыр.
Акъыл сабырлыкъ берир.
Кесине оноу эте билмеген, халкъына да эте билмез.
Байлыкъдан саулукъ ашхыды.
Юйюнгден чыкъдынг – кюнюнгден чыкъдынг.
Нафысынгы айтханын этме, намысынгы айтханын эт.
Хар адамгъа кеси миннген тау кибик.
Ашлыкъ – бюртюкден, джюн – тюкден.
Кёб ант этген, кёб ётюрюк айтыр.
Минг тенг да азды, бир джау да кёбдю.
Аш иеси бла татлыды.
Ишлерге уял да, ашаргъа табма.
Элде адам къалмаса, ит тахтагъа минер.
Бюгюн дуния кибик, тамбла ахыратды.
Кёбге таш атма.
Малны кют, джерни тюрт.
Эте билген, этген этеди, эте билмеген, юретген этеди!
Биреу къой излей, биреу той излей.
Тюкюрюк баш джармаз, налат кёз чыгъармаз!
Тиширыусуз юй – отсуз от джагъа.
Арбаз къынгырды да, ийнек сауалмайма.
Ашха уста, юйюнде болсун
Терслик кетер, тюзлюк джетер.
Акъдан къара болмаз.
Тилде сюек болмаса да, сюек сындырыр.
Олтуруб кёрюнмей эди да, ёрге туруб кёрюне эди.
Намысы джокъну – дуниясы джокъ.
Адам сёзюнден белгили.
Абынмазлыкъ аякъ джокъ, джангылмазлыкъ джаякъ джокъ.
Адеб базарда сатылмаз.
Оюмсуз атлагъан, аджалсыз ёлюр.
Арыгъан къош чамчы болур.
Аз айтсам, кёб ангылагъыз.
Ач отунчуну ачыуу – бурнунда.
Къызбайны юйюне дери сюрсенг, батыр болур.