- Ашын ашагъанынгы, башын да сыйла.
- Тура эдим джата, къайдан чыкъды хата?
- Тёзген – тёш ашар!
- Ашхы тенг джолгъа салыр, аман тенг джолдан тайдырыр.
- Байны оноуу, джарлыгъа джарамаз.
- Тойгъандан сора, ашны сёкме.
- Билимден уллу байлыкъ джокъду.
- Зар адамны насыбы болмаз.
- Ашлыкъ – бюртюкден, джюн – тюкден.
- Акъыллы башны – тили къысха.
- Къарнынг къанлынга кийирир.
- Къыз чыгъаргъан – къызыл къымжа.
- Байлыкъ болгъан джерде, тынчлыкъ джокъду.
- Болджал ишни бёрю ашар.
- Джюрекден джюрекге джол барды.
- Алтыда кюлмеген, алтмышда кюлмез.
- Эртде тургъан бла эртде юйленнген сокъуранмаз.
- Биреу къой излей, биреу той излей.
- Тёгюлген тюгел джыйылмайды.
- Аманны тукъумуна къарама, игини тукъумун сорма.
- Аман киши кеси юйюнде – къонакъ.
- Бозанг болмагъан джерге, къалагъынгы сукъма.
- Адеб базарда сатылмаз.
- Кесинг сынамагъан затны, адамгъа буюрма.
- Элиб деген, элге болушур.
- Эли джокъну – кёлю джокъ.
- Насыб бютеу халкъны юлюшюдю.
- Адам сёзюнден белгили.
- Ёгюзню мюйюзюнден тутадыла, адамны сёзюнден тутадыла.
- Ишлемеген – тишлемез.
- Къартны бурнун сюрт да, оноугъа тут.
- Тынгылагъан тынгы бузар.
- Элде адам къалмаса, ит тахтагъа минер.
- Ёпкелегенни ашы татлы болады.
- Ач къалгъандан, кеч къалгъан къолай.
- Ат басханны джер билед.
- Терек ауса, отунчу – кёб.
- Илму – джашауну джолу.
- Мухарны эси – ашарыкъда.
- Джолда аягъынга сакъ бол, ушакъда тилинге сакъ бол.
- Аллахха ийнаннган кишини, Аллах онгдурур ишин.
- Уллу къазанда бишген эт, чий къалмаз.
- Кюлме джашха – келир башха.
- Уясында не кёрсе, учханында аны этер.
- Адебсиз адам – джюгенсиз ат.
- Адебни адебсизден юрен.
- Ауузу бла къуш тута айланады.
- Юй ишлеген балта эшикде къалыр.
- Хатерли къул болур.
- Аманнга да, игиге да оноусуз къатышма.
