- Акъыллы – эл иеси, тели – эл баласы.
- Эки итни арасына сюек атма, эки адамны арасында сёз чыгъарма.
- Суугъа – таянма, джаугъа – ийнанма.
- Нафысынгы айтханын этме, намысынгы айтханын эт.
- Къонакъны къачан кетерин сорма, къачан келлигин сор.
- Аман хансны – урлугъу кёб.
- Шапа кёб болса, аш татымсыз болур.
- Джукъу тёшек сайламайды.
- Джырчы ёлсе, джыры къалыр.
- Кийимни бир кюнню аясанг, минг кюннге джарар.
- Эрине къаргъыш этген къатын, эрнин къабар.
- Айранны сюйген, ийнек тутар.
- Къонакъ аз олтурур, кёб сынар.
- Билмезни кёзю кёрмез, этмезни къулагъы эшитмез.
- Экеулен сёлеше тура эселе, орталарына барыб кирме.
- Сагъышы джокъ – джукъучу, акъылы джокъ – къаугъачы.
- Агъач – джерни чырайы, кийим – эрни чырайы.
- Джюрекден джюрекге джол барды.
- Ачлыкъ отха секиртир.
- Азыкълы ат арымаз, къатыны аман джарымаз.
- Ушамагъан – джукъмаз.
- Тилчи бир сагъатха айлыкъ хата этер.
- Адеби болмагъан къыз – тузсуз хант.
- Ишин билген, аны сыйын чыгъарады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кюн – узун, ёмюр – къысха.
- Къарны аманнга къазан такъдырма, къолу аманнга от джакъдырма.
- Тулпарлыкъ, билекден тюл – джюрекден.
- Шекер бла туз – бир болмаз, ушамагъан – юй болмаз.
- Эм уллу байлыкъ – джан саулукъ.
- Зарда марда джокъ.
- Акъыл бла адеб эгизледиле.
- Ач келгенни – тойдур, кеч келгенни – къондур.
- Тил джюрекге джол ишлейди.
- Хар адамгъа кеси миннген тау кибик.
- Джиби бир къат джетмей эди да, эки къат тарта эди.
- Айраннга суу къош, телиге джол бош.
- Ургъан суудан башынгы сакъла.
- Намыс сатылыб алынмайды.
- Ашлыкъны арба юйге келтирир, чана базаргъа элтир.
- Ариуну – ауруу кёб.
- Ётюрюкню башын керти кесер.
- Ауурну тюбю бла, дженгилни башы бла джюрюген.
- Душманны тышы – акъ, ичи – къара.
- Эркиши – от, тиширыу – суу.
- Тёрдеги кюлсе, эшикдеги ышарыр.
- Джаным-тиним – окъуу, билим.
- Къолунгдан къуймакъ ашатсанг да, атаны борчундан къутулмазса.
- Аллахдан тилесенг, кёб тиле.
