- Билмегенинги, билгеннге сор.
- Чомарт къолда мал къалмаз.
- Тюзлюк тас болмайды.
- Кийимни бир кюнню аясанг, минг кюннге джарар.
- Ач къарынны, токъ билмез
- Азыкъ аз болса, эртде орун сал.
- Бойнуму джети джерден кессенг да, мен ол ишни этеллик тюлме.
- Таукелге нюр джауар.
- Бек ашыкъгъан меннге джетсин, дегенди аракъы.
- Ачлыкъда тары гырджын халыуадан татлы.
- Зар адам ашынгы ашар, кесинги сатар.
- Баланы адам этген анады.
- Биреу къой излей, биреу той излей.
- Келинин тута билмеген, къул этер, къызын тута билмеген, тул этер.
- Джырчы ёлсе, джыры къалыр.
- Къонакъ болсанг, ийнакъ бол.
- Биреуге аманлыкъ этиб, кесинге игилик табмазса.
- Дуния малгъа сатылма, кесингден телиге къатылма.
- Кёзден кетген, кёлден да кетеди.
- Кесине гебен этелмеген, биреуге черен эте эди.
- Сагъыш – къартлыкъгъа сюйюмчю.
- Намыс сатылыб алынмайды.
- Билими азны – ауузунда кирит.
- Кечеси – аяз, кюню – къыш, джарлы къаргъагъа бир аш тюш!
- Ариу сёзде ауруу джокъ.
- Аз сёлешген, къайгъысыз турур.
- Тик ёргени, тик энгишгеси да болады.
- Сакъалы текени да бар, мыйыгъы киштикни да бар.
- Нарт сёз – тилни бети.
- Къар – келтирди, суу – элтди.
- Акъыл бла адеб эгизледиле.
- Джол бла сёзню къыйыры джокъ.
- Джумушакъ терекни къурт ашар.
- От этилмеген джерден тютюн чыкъмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Къыйынлы джети элге оноу этер.
- Туз, гырджын аша, тюзлюк бла джаша.
- Илму – джашауну джолу.
- Иесиз малны бёрю ашар.
- Атлыны кёрсе, джаяуну буту талыр.
- Халкъгъа джарагъан, джарлы къалмаз.
- Арбаз къынгырды да, ийнек сауалмайма.
- Биреуге аманлыкъны тилеме да, кесинге ашхылыкъны тиле.
- Тилде сюек болмаса да, сюек сындырыр.
- Иги адам абынса да, джангылмаз.
- Ётюрюкден тюбю джокъ, кёлтюрюрге джиби джокъ.
- Ашына кёре табагъы, балына кёре къалагъы.
- Чомартха хар кюн да байрамды.
- Къатыны харакетли болса, эри къымсыз болур.
- Ёнгкюч къууана барыр, джылай келир.
