"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.

Цитата
Айшат(с НФ) пишет: Джаяла что означает?судя по стихотворению похоже на санки.очень доброе и светлое стихотворение,возвращает в беззаботное детство

Джаяла- лыжы.

Санки - чана

понятно читая эти строки вспомнилось,как мы так катались на санках.убегали из дома,искали места покруче.иногда,когда варежки намокали и было холодно,я заходила домой,вешала их сушиться к печи и пока мама не заметила убегала обратно.до тех пор, пока руки не окоченеют))потом возвращалась обратно.и если мама заставляла есть,то,действительно не хватало терпения сидеть)) ведь слышишь как другие носятся по улице.

Ингиригиз Ашхы болсун, Хурметли Джамгъат!

Айшат(с НФ), Барыбызны да джашлыгъыбыздан джарыкъ суратчыкъ........)))
Ма, энтда анга ушагъан бир назмучукъ Назарни китабындан.

Чёмелтаякъ.
(Сабийлеге)

Улакъчыкъланы кюте,
Бурунчукъларын сюрте,
Бир-бирчиклерин тюрте,
Бёденечик юркюте.

Терен хансда чырмалыб,
Бутчукълары тырналыб,
Келмейди келишиуге,
Киришиб эришиуге.

Тейри деб ,къагъыб аякъ,
Атышыб чёмелтаякъ.
Ойнайдыла джашчыкъла,
Къаракёз азмынчыкъла.

Бу назмуну магъанасын джаратдым. Ритмикасына къаралса ариу назму боллкъ эди. Биринчи строфаны ючюнчю тизгинин учхарагъа санадым, строфаны ахыр тизгини кючлю болса да. Эки строфаны арасына, энтда, ючюнчюню теренирек ачыкъларча бир строфа керекли турады.

Экинчи строфа ;
экишер тизгини кючлю болгъанлыгъына, бир - бири бла байламы азды. Хар гюл бла да чагъа эсенг, къарны эригени бла да бир байламынг болургъа керек эди. Эки тизгин келишмейдиле бир джерде.

Сизден артыкъ жокъ затым, - 7 ( слог )
Байлыгъым не хан хантым. - 7
Бар кёзюм, сёзюм, къолум, - 7
Барыргъа – узакъ жолум. - 7

Жолу барны – жыры бар. - 7
Жырым бла чыгъама. - 6-7 ( бла - была )
Жауса да, эрийди къар…- 7
Хар гюл бла чагъама.- 6

Айыб этмегиз, назмуну джаратдым да, джазмай болмадым.
Эсенлик !

Кечегиз Ашхы болсун,Багъалыларым!



ШАТ, Хош кел!Сапар ,тоба кире турмасанг боллукъ тюлдю , болгъан аурлукъну да Билялгъа атыб къойгъанбыз......менден уллу хайыр джокъду,бир тёгерек сюз къошхан болмаса....)).
Сизни "кухнягъыздан " уллу хапарлы тюлме ,Сизге артмакъ болум айланганлыгъыма))).

Цитата
ШАТ пишет: Айыб этмегиз, назмуну джаратдым да, джазмай болмадым. Эсенлик !

Къарагъан да эт,джазгъан да эт, тинтген да эт.

НЕКДИ АЛАЙ?

Эки тёппели бир тау барды.
Эки атлы бир халкъ барды.
Некди алай?

Басхан — Хазар тенгизге,
Къобан — Азау тенгизге
барадыла. Некди алай?

Сен — тенгизни сюесе,
мен а - тауну.
Некди алай?

Сен — хапарны сюесе,
мен — назмуну.
Некди алай?

Сен — Айны сюесе,
мен а — Кюнню.
Некди алай?

Сёз башланса,
бошалыргъа унамайды.
Некди алай?

Джашау уа - бошалады.
Некди алай?
Некди алай?

Бу назмуну окъугъанлы ,эсимден кетмейди........Тарихге,филосовиягъа дженген шартлары барды джаш авторну.
Аны себели .....Хасанланы Назирни " Къарча" деген китабын бир иги тинтиб окъуса....ой бир къадар бир зат биллик эди.....къаллай сейир сезле...атла табарыкъ эди.

http://joyplayground.com/view.php?video=Ut0ajlblva4&title=%D0%A8%D0%B0%D1%85+%D0%BF%D0%BE%D1%8D%D1%82%D0%BE%D0%B2+%D0%9A%D0%B0%D1%80%D0%B0%D1%87%D0%B0%D1%8F+%2F+%D0%BAavkaz+-+karatchai+-+cinem%C3%A1

Джырчы Сымайылны "Акътамакъ" джыры. Отарланы Омар бек ариу джырлайды.

Ингир ахшы болсун барыгъызгъада. Кергелен сизге энчи салам. Энтдада бир назмула салайым.


ХУКМУ,


Не гюнахдан, не Аллахдан къоркъмагъан
Тегерегин аузу бла, чайнагъан.
Келир санга да, чогъежлик эсинге.
Танымайын къалгъаным, сен болгъуенг.
Болмай къалгъан миллетимде, болгъуенг.
Башха акъыл, башындагъы береди.
Кеси отунда, хар ким кеси кюеди.
Санга хукму, башындагъы этерикди.


Да бары да ачыкъ болур.

Да бары да, ачыкъ болур.
Кимни ким, болгъаны да
Алай турмаз, ачыкъланыр.
Хар кимни ниети да.
Уяллыкъ а болмаз, бетинг.
Бир чабырлыкъ, чыгъар эд.
Бир да къуруса да, аны.
Хайырымы болмаз эд.
Къайсы ана, сени табды.
Не хариб эди, экен.
Сен болмасанг, къадар аны.
Жилятырыкъ, болмаз эд.
Болмай къалгъан, сен болсанг эд.
Жарсыусуз къалыреди.
Ауурлукъну, анасына.
Сер баласы, салмазед.


Аппа бла Амма

Туудукъларынг бла бирге
Олтураса сен терде.
Амма дегенде, туудугъунг.
Сагъыш этесе, бирде.
Арабий тау тильде, Амма
Не магъананы тутады.
Ам деген, Амма дегенде
Аша деген, болады.
Ма деген бла, бирге уа.
Аша ал да, болады.
Алайды да, Амма деген.
Аша мада, дей турады.
Амма деген сез, сабийни
Ашатамы турады?.
Къачан туугъан сездю, экен.
Жер жаратылгъан, заман.
Биринчи, ана анасы.
Туудугъунму тойдургъанды?.
Аллах-Аллах,не кючлюдю.
Ана тильни, хийсабы.
Аппа деген да, анданмы .
Айтылына, турады?
Ап деген да, аша деген.
Магъананы тутады.
Къарачы бир ата – баба.
Сезюнгю магъанасын.
Ата-бабаны къолуна .
Туудугъу, къарагъанын.
Ана тильни, байлыгъына
Сеир этерча, хальди.
Тау тилим, сенсиз болмасын
Халкъымы сез байлыгъы.

Ингир ахшы болсун.
Бир соруум. Къарт анам бешик жыр жырласа бир куплетинде быллай сезле аитады:
" Кышю кышю кышлаим,
Баламма дарий тонла тышлаим"
Первая строчка это просто набор слов или несет смысловую нагрузку?

Цитата
Чулпан пишет: Ингир ахшы болсун. Бир соруум. Къарт анам бешик жыр жырласа бир куплетинде быллай сезле аитады: " Кышю кышю кышлаим, Баламма дарий тонла тышлаим" Первая строчка это просто набор слов или несет смысловую нагрузку?

Къышы, къышы , къышлайым.
Балама
Дарий тонла тышлайым.

Былай болурму?

Цитата
Sabr пишет: Цитата Чулпан пишет: Ингир ахшы болсун. Бир соруум. Къарт анам бешик жыр жырласа бир куплетинде быллай сезле аитады: " Кышю кышю кышлаим, Баламма дарий тонла тышлаим" Первая строчка это просто набор слов или несет смысловую нагрузку? Къышы, къышы , къышлайым. Балама Дарий тонла тышлайым. Былай болурму?

эштгенимча жазгъанма. болур.
магъанасы къалайды? бир ариу бешик жырды да , кеп жерлерин англамай эсимде туталмайма.

къышы, къышы, къышлайым - перезимую; къышларгъа - зимовать.
дарий тонла тышлайым - обтягиваю, обшиваю шубу шелком.

Может, кто-то точнее переведет.

Къууатлы Кюн тийсин арбазларыгъызгъа ,Багъалыларым!

Билял, Сау бол ! Къарачай,Къарачай.............................къалай сагаланды Миллет......................ансына да.........не кёрди -не кёрмеди?!!!!!
Адамны джюреги ишлеб ,сагъыш этиб турур ючюн......бек аламат суратлауду..........

Цитата
Cebernii пишет: Кергелен сизге энчи салам. Энтдада бир назмула салайым.

Сау бол, Айшат , къучагъым бла бир джылы Саламым ал менден да))))
Назмуларынгы да окъудум.........терен сагъыш этдиресе......

Цитата
Чулпан пишет: Бир соруум. Къарт анам бешик жыр жырласа бир куплетинде быллай сезле аитады: " Кышю кышю кышлаим, Баламма дарий тонла тышлаим" Первая строчка это просто набор слов или несет смысловую нагрузку?

Цитата
Sabr пишет: къышы, къышы, къышлайым - перезимую; къышларгъа - зимовать. дарий тонла тышлайым - обтягиваю, обшиваю шубу шелком.

Билял, Эфенди, тюз ангылатаса- Ъ -белгисиз джырлагъаны Амманы, сабийге джумушакъ этдиргенлигиди, эркелетген халда.

Эртден бери дертли болуб турама "Къарачай-Малкъар фольклор" китабдан талай затны бери джазаргъа........керек болур ,деген сагъышда......

МАЛКЪАРЛЫЛА БЛА КЪАРАЧАЙЛЫЛАНЫ ХАЛКЪ ПОЭЗИЯ ЧЫГЪРМАЛАРЫНЫ ЖАНРЛАРЫ БЛА БЁЛЮМЛЕРИ.


Миф эм адет-тёре поэзия (мифологическая и обрядовая позия):
Маджисуу поэзия (языческая позия);
Фитна джырла (магические песни);
Фитна дууала,алгъышла ,тилекле (заговоры ,заклинания,мольбы);
Уучулукъ бла байламлы поэзия (охотничья поэзия).

Адет-тёре бла байламлы поэзия (обрядовая поэзия);
Джылны кёзюуулери бла байламлы поэзия (календарно-обрядовая);
Юйюр джашау бла байламылы поэзия (семейно-обрядовая).

НАРТ ЭПОС.

Нарт таурухла, нарт джырла.


ДЖОМАКЪЛА.

Миф джомакъла (мифологические сказки).
Тамаша джомакъла ( волшебные сказки).
Джашау -турмуш джомакъла( бытовые сказки).
ДЖаныуарланы, хайуанланы юсюнден джомакъла ( сказки о животных).
Ётюрюкле (небылицы).
Чамла (анекдоты).

ДЖОМАКЪ БОЛМАГЪАН,КЪАРА СЁЗ БЛА АЙТЫЛГЪАН ХАЛКЪ ЧЫГЪАРМАЛА.
НЕСКАЗОЧНАЯ ПРОЗА.

Мифле ; бурунгу таурухла (легенды).
Таурухла (сказания).
Айтыула ( предания).
Табигъатда болмагъан кючле бла байламлы хапарла (былички).
Керти хапарла (бывальщины).
Насихат хапарла ( притчи).

Новелла, чам, масхара хапарла( юмористические и сатиристические рассказы)
.........................

ДЖЫРЛА:

Урунуу джырла (трудовые песни) ,
Тарих -джигитлик джырла (тарих джырла ;джортууул чабыууллукъ бла байламы джырла : байлагъа , бийлеге , патчахны мыртазакъларына къаджау джырла);
Баллада джырла ;
Сюмейклик джырла ;
Йинарла, айтышла;
Кюйле ;
Чам , масхара , совет джырла.
Фольклорну гитче жанрлары (малые жанры фольклора):
Алгъышла бла къаргъышла ;
Антла (клятвы);
Ырысла (табу , запреты);
Белгиле , илишанла , джоралаула (приметы , поверья , пердназнаменования , толкование снов );
Нарт сёзле бла нарт айтыула (пословицы и поговорки);
Къанатлы сёзле (крылатые слова);
Эльберле.
Сабий фольклор (детский фольклор):
Бешик джырла ;
Булджутуула (потешки);
Къозутуула (дразнилки) ;
Санаула(считалки);
Тилбургъучла (скороговорки).
Зикирле (духовные песнопения).

АКЪТАМАКЪГЪА эмда аны юйюрюне Салам !!!!!

НЕТ национальным языкам, Да здравствует Великий и могучий.

Закон «Об образовании в РФ», принятый Госдумой во втором чтении, отменяет обязательное изучения языков, имеющих статус государственных, в национальных субъектах Россйиской Федерации

По мнению законодателей из Государственной Думы РФ, обязательное обучение национальным языкам в республиках России ведется в ущерб изучению русского языка. С этим связаны поправки, внесенные в новый Закон «Об образовании в РФ», которые фактически прекращают подобную деятельность образовательных учреждений на территориях республик.

Теперь учить свой родной язык, находясь у себя дома, подрастающие поколения из числа национальных меньшинств России будут в свободное от основного учебного процесса время. Или не будут вообще, т.к. очевидно, что принятое Госдумой решение изгоняет национальные языки из школ, а система дополнительного образования, призванная закрыть эту брешь, не имеет ни ресурсов, ни достаточного количества учебных часов, что бы обеспечить права граждан РФ на получение образования на родном языке.

Какой ущерб нанесен русскому языку, например, за те годы, в течение которых школьники Адыгеи изучали адыгейский язык два часа в неделю, скорее всего, не знают и сами законодатели. Не похоже, что и старшее поколение, изучавшее национальные языки за школьными партам гораздо активнее нынешней молодежи, плохо знает русский. Из чего можно сделать вывод о неискренности публичной мотивации людей, протолкнувших указанные поправки к одному из базовых Законов страны.

Интересна реакция Татарстана и Чечни на подобные действия российской власти. Есть надежда, что руководители этих регионов смогут выйти из сложившегося положения без ущерба для своей национальной культуры. Хотя, это всего лишь любопытство. Ибо, что позволено Юпитеру, то не позволено быку.

http://www.kavkazweb.net/zakon-ob-obrazovanii-v-rf-prinyatyj-gosdumoj-vo-vtorom-chtenii-otmenyaet-obyazatelnoe-izucheniya-yazykov-imeyushhix-status-gosudarstvennyx-v-nacionalnyx-subektax-rossjiskoj-federacii.htm

КЕЧ БОЛГЪУНЧУ, ХАЛКЪЫМ, УЯН

Джашау бла ёлюм джер джюзюнде
турадыла базманлашыб.
Таш эсем да къаядан юзюлген,
къаям сауда — къалмазма шашыб.

Къаям а — сауду. Ол оюлмаса,
къалгъан затха барлыкъма чыдай:
Аллах - адамны Адамлыгъын, халкъны Халкълыгъын -
къууанч бла, бушуу бла да болур сынай.

Динине, тилине бек болса халкъ,
анга джол ачарыкъды Элиб.
Ол джуртуна боллукъду Ие,
бурунча, къурарыкъды Элин.


Алай а, джуртунда турса да,
айырылса дининден, тилинден,
аны киши да къутхараллыкъ тюлдю
«ассимиле» деген ёлюмден.

Къуугъун къонгурауду бюгюн джюрегим -
узакъ, джууукъ да эшитирча урады:
бизни халкъгъа джууукълашханды ёлюм,
табыракъ кёзюуню сакълаб турады.

Къарыусуз кёргенлей, атарыкъды мыллык -
айырлыкъды динден, тилден, джуртдан да.
Ол заманда узакъдан, джууукъдан да
боллукъ тюлдю бизге болушлукъ.

Кеч болгъунчу, халкъым, уян:
мингджыллыкъ джолунгу юзме, юздюрме.
Хомух болургъа нартладан уял,
душманланы да кесинге кюлдюрме.

Бай тарихинге, джандет джуртунга да
ким ие боллугъун кёзюннге кёргюзт.
Боллукъса ёлюрге, ёлмей джашаргъа да,
джазыуунгу джазаллыкъса кесинг.

Аллай насыб бергенди Аллах,
дин бла, тил бла, джурт бла бирге.
Кеч болгъунчу, халкъым, уян,
берме джол душманнга, ёлюмге.

Кёзю болгъан, къулакъланы джабыб окъуса, кесини ауазында, назмуну кючюн кёрлюкдю....

Ингиригиз Ашхы болсун, Хурметли Джамагъат!

Цитата
Sabr пишет: НЕТ национальным языкам, Да здравствует Великий и могучий.

Билял, адам сагъыш этиб да башина сыйынмазчады ,бу къралны оноуу(((( Быллай терс акъыл миллет къуллукъчулагъа къалсынла бизни джауларыбыз!
Кертисин алыб къарасакъ.....терслик кесибиздеди......ТИЛИБИЗГЕ кесибиз къалай къарай эсек , кърал да алай къарайды((((.
Орусча чалышдырыгъа тырмашгъан болмаса ......Тилни айнытыргъа ,анга эс белюрге хазна кишини акъылына да кириб чыкъмайды.......Хо-хо да къарачайча селешалмай мы къаллыкъды деб къоядыла кёбюсюне....((((
Къарачай элде бир джашчыкъ 8дж. болгъан къарт анасы бла орусча селешеди..... къарачайча селешалмай .....ол муду терс? Огъосе аны къарт анасымы ды терс?...... Къалгъанла да алайыракъ.......
Сынам! Сынам ! Сынам! Ма бизлеге...........

Цитата
Sabr пишет: Бай тарихинге, джандет джуртунга да ким ие боллугъун кёзюннге кёргюзт. Боллукъса ёлюрге, ёлмей джашаргъа да, джазыуунгу джазаллыкъса кесинг. Аллай насыб бергенди Аллах, дин бла, тил бла, джурт бла бирге. Кеч болгъунчу, халкъым, уян, берме джол душманнга, ёлюмге.

Шам Таулада джаратылыб ,Аллахны Джандетине ушагъан Табигъатында джашаб.......Сыйыбызны ,Намысыбызны тюшюрсек .....Аллах чамланыр!

ШАТ, Салам!

БАЙЧОРАЛАНЫ ШАМИЛ

конкурсха

СЕННГЕ

Мен керти поэт да болмам,
Дагъыда, «джаратырса», – деб, ышанама.
Сюйюб окъурса, Мариям,
Джюрекден сеннге назмула джазама…

Ариулукъну Аллах эки этиб
Адамлагъа бла Юсуфгъа юлешгенди дейле.
Сеннге къарай, сагъышха кетиб,
«Иги кесегин а сеннге бергенди», – дейме.

Кюн таякъчыкъса бу къарангы ёмюрде,
Джарыкъ джылыудан джылынад джюрегим.
Джангыз терекчик чакъгъан чегетде,
Къалай къууаналла кёзлерим.

Сау дуния терслеб бир бурулсун,
Не этер, мен къатынгда болсам?
Аманлыкъ излеген кеси къурусун,
Биз а джашайыкъ, Мариям.

Кёкге насыб – Джулдуз эм Ай,
Поэтге – назму тикген къалам,
Миллетиме – Шам Къарачай,
Менге уа сенсе , Мариям.

НЕ БИЛЕСЕ?

Не билесе сен
Тарихинги юсюнден?
Къайдан чыкъгъанды тукъумунг?
Къайдан чыкъгъанды халкъынг?
Къайсыды атауулунг?
Къайсыды байрагъынг?

Не билесе сен
Ата джурт къазауатны юсюнден?
Къайда сермешгенди къарт атанг?
Къайда джайгъанды окъларын?
Къайдан билликди гитче баланг,
Бусагъатда сормасанг хапарын?

Не билесе сен
Кёчгюнчюлюкню юсюнден ?
Къарт анангы къалай ётдю джашауу?
Къум тюзледе огъесе талада?
Къаллай балта тийдиртди джазыуу?
Къалай къалгъанды аякъ юсюнде?

Бюгюн
Ойнайды къобуз, джырланады джыр,
Халкъынга уа къазылады къабыр.
Билмейсе, тенгим, сен аны
Тёгюлгенин къызыл къаны.

Багъалы джаш тёлюм,
Барды бир айтыр сёзюм:

Тарихибизни,
Джерибизни юлешедиле джауларынг.
Билсенг аны, къыйналмазмы джанынг?
Эс бёлейик, толу джутханчы манкъуртлукъ
Ансын этибизни ашарла,
Къаныбыздан да этиб тузлукъ.

ХАРАМ СЮЙМЕКЛИК

Ма келгенди ёмюрледе махталгъан сюймеклик.
Акъ насыбды ол, болса халал къалада.
Урлатхан джюрегинг ючюн тилемейсе Аллахдан кечмеклик,
Меники уа тургъанды харам дорбунда.

Джашай эдим тютюн иче, чайыр чайнай...
Келдинг да буздунг ёмюр тынчлыгъымы.
Энди кесими къолда къалай тутайым,
Сен эшитмезча джюрек къычырыгъымы.

Керек тюлдю харам сюймеклигим —
Аны бла абынырбыз Сыйрат кёпюрде.
Джанынг бла джаным келишмез дуния ёмюрде...
Нечик къыйнайды таша кюймеклигим.

Алай а, къоркъма, джунчутмам сени —
Сынауну бурмам джылаугъа.
Джаша, ишлей къалангы насыбдан —
Анга къууанырма къараб дорбундан.

КЪАЧАН ЭСЕ ДА

Къачан эсе да бар эди умут,
Келир заман келтирир деб къууанч.
Джюрек да — джюрек тюл — накъут,
джерден Кёкге керилиб эд къулач.

Къачан эсе да, бар эди ийнаныу,
Мен айтханны ол да айтырыкъды деб,
Сюймеклик къат-къат къайытырыкъды деб.
Аллай ийнаныу бар эди алгъын.

Къачан эсе да бар эди кючюм
Сынауладан бюгюлмей ётерча,
Джазыууму да джазыб кесим,
Таш башында да джашау этерча.

Бар эди мурат, бар эди кюрешиу,
Кёбге созулгъан да бир термилиу.
Хар не да бар эди
Къачан эсе да...

Кечегиз Шош болсун,Нёрлю болсун,Багъалыларым!

Цитата
НЕ БИЛЕСЕ?

Шамил, ма бу назмунгу хар сёзючю ,УЛЛУ бюсюреу этеме, Къарнашчыгъым!
Адам блай кирсиз сууну кёрсе, джюреги бир къууаныб джарыкъ болады......бу сагъатда сейр да болуб, бек къууана турама......Аллахха болсун махтау!Бардыла кирсиз кёзлеу сууларыбыз!
Ашхы муратларынг толсунла!

Кергелен, кюн ашхы болсун! бек сау бол, биргелей

ТЮРКИЕ ДЖАНГЫ ДЖЫЛ БЛА АЛГЪЫШЛАЙДЫ


Akga BICHAKSIZ

BARIGIZNI DA CANGI CILI KÖLÜGÜZ CÜREGİGİZÇA BOLSUN....

Cangı cılda alanla
Caşau bara onguna
Künden künge cılına
Caşagız siz kuuana

Kargış kenge kuuulsun
Artga kaytmay buuulsun
Algış sizge burulsun
Üyge kirib kubulsun

Sizge kellik carsuunu
Aksak bolsun basıuu
Atı bolmay buşuunu
Tuumay ölsün kuuşuuu

Adet töre süyelsin
Kartga sıyı berilsin
Toy kuuanç da köbelsin
Caşla kızla tebsesin

Aman allı tıyılsın
İgi beri cıyılsın
Cüregigiz cılınsız
Sau caşagız alanla

АМЕРИКА ДЖАНГЫ ДЖЫЛ БЛА АЛГЪЫШЛАЙДЫ

Айла КЪОРКЪМАЗ

ДЖАНГЫ ДЖЫЛГЪА

Джангы джыл деб, джыл сайын,
Аллына къараб, кёз къысмайын,
Эски джылны теплеб атмайын,
Къууаныб турабыз джатмайын.

Эски джылны да арытдыкъ,
Ары бла бери чабдырдыкъ,
Санын-къолун чырмадыкъ,
Сал агъачха джатдырдыкъ.

Джангы джылны сакълайбыз,
Кёб умутла сайлайбыз,
Бернесине къарайбыз,
Алгъыш этиб турабыз.

Джангы джылгъы кийим джылтырай,
Турсун алай къалтырай.
Эски болур мычымай,
Сау джыртыгъыз аямай...

26/ 12/ 2012

НОРВЕГИЯ ДЖАНГЫ ДЖЫЛ БЛА АЛГЪЫШЛАЙДЫ

"Акътамакъ" кафени тамадасы Кергелен-Ханымгъа миллет иши ючюн, къонакъбайлыгъы ючюн бек разыбыз.
Джангы Джыл огъур бла келсин, насыб келтирсин Кергеленнге да, кафесине да.
"Акътамакъны" айнырын сюйген, кёб туз-дамын да кёрген
Лайпанланы Билал

Жангы жылыгъыз огъурлулукъ бла келсин барыгъызны да. Халкъыбызны Аллах тюз жолгъа салсын, бир огъурлу эшик ачсын. Барыбыз да бирден къууанайыкъ.

Удаление ключевых для Балкарии тем, касающихся ее жизненных интересов , жизненно важных тем, вызывает недоумения и возникают обоснованные вопросы об истинной сути отдельных личностей на форуме, когда вопросы встают в этой плоскости у нас есть и свои площадки, чтобы все видели на кого вы работаете. Наши поздравления руководителям.

Кюнюгюз Ашхы болсун ,Къууатлы болсун , Сюйюмлю Джамагъат!


Сау болугъуз , Тюркде Къарнашларыбыз эмда Эгечлерибиз!
Минг джылланы джукъланмасын МУСЛИМАН отубуз , джулдузубуз ,айыбыз!

Аллахны Кераматы ,Сизге Америкада Динибизни ,Тилибизни айнытыб тургъан Багъалы Къарнашларыбыз эмда Эгечлерибиз!
Сау Бол ,БИЛЯЛ ЭФЕНДИ , бизге башчылыкъ этиб, тинтиб, кёрюб,Уллулукъ этиб - Тилибизге ,Тинибизге мардасыз къайгъырыб тургъанынг ючюн!

Cebernii, Келген джыл огъур аякъ бла кирсин Малкъргъа!!!
Ашхы муратларыгъызны толгъанларын кёзюгюз бла кёрюгюз!

"АКЪТАМАКЪ" кафени багъалы Къонакълары,Окъуучулары, ДЖазыучулары!
Келе тургъан 2013 джыл къууанч бла, огъур бла кирсин арбазларыгъызгъа ,юйлеригизге!
Барыбзны да Ашхы муратларыбыз толсунла!
Терсине айланган ишлерибиз тюзюне бурулсунла!
Кавказ Таулада джашагъан Миллетлени- Иманлары ,Динлери ,Тинлери терен болсун ,сыйлы болсун!
Таулуланы атлары ашхы , оюмлу ишледе айтылсынла!
Къартларыбыз сыйлы болсунла!
Джашларыбыз ырызлы ,адебли, намыслы болсунла!
Миллетибизге Аллаху Тагъала зорлукъ ,зарауутлыкъ сынатмасын!
МАМЫРЛЫКЪШОШЛУКЪБЕРЕКЕТСЫЙЛЫ БАЙЛЫКЪ
Б А РЫГЪЫЗГЪАДА

Таза джюрекден