- Джюрекден джюрекге джол барды.
- Элге къуллукъ этмеген, элге ие болмаз.
- Тойгъа барсанг, тоюб бар, эски тонунгу къоюб бар.
- Танг атмайма десе да, кюн къоярыкъ тюйюлдю.
- Аш иеси бла татлыды.
- Акъыл къартда, джашда тюйюлдю – башдады.
- Чомарт къонакъ юй иесин сыйлар.
- Эл ауузу – элек, анга ийнаннган – халек.
- Ёнгкюч къууана барыр, джылай келир.
- Ачлыкъ отха секиртир.
- Къарт айтханны этмеген, къартаймаз.
- Башда акъыл болмаса, эки аякъгъа кюч джетер.
- Айтханы чапыракъдан ётмеген.
- Хар адамгъа кеси миннген тау кибик.
- Эркишиге тары кебек танг кёрюнюр.
- Таукел тауну аудурур.
- Къолу уллу – асыу, аягъы уллу – джарсыу.
- Мен да «сен», дейме, сен да «кесим», дейсе.
- Эри аманны, къатыны – аман.
- Таш бла ургъанны, аш бла ур.
- Къая джолда джортма, ачыкъ сёзден къоркъма.
- Суугъа – чабакъ, къаягъа – ыргъакъ.
- Аманнга алтын чыдамаз.
- Сакъ юйюне сау барыр.
- Ач, тоймам, дейди, тойгъан, ач болмам, дейди.
- Сагъыш – къартлыкъгъа сюйюмчю.
- Ётюрюкден тюбю джокъ, кёлтюрюрге джиби джокъ.
- Алим болгъандан эсе, адам болгъан къыйынды.
- Эркишини аманы тиширыуну джылатыр.
- Къарнынг ауруса, ауузунгу тый
- Нарт сёз къарт болмаз.
- Рысхысына кёре, джаш ёсер, къышлыгъына кёре, мал ёсер.
- Аманны эки битли тону болур, бирин сеннге кийдирир, бирин кеси киер.
- Кюн – узун, ёмюр – къысха.
- Бюгюн дуния кибик, тамбла ахыратды.
- Намыс болмагъан джерде, насыб болмаз.
- Акъыл бла адеб эгизледиле.
- Тил – кесген бычакъ, сёз – атылгъан окъ.
- Рысхы джалгъанды: келген да этер, кетген да этер.
- Ашхы атаны – джашы ашхы, ашхы ананы – къызы ашхы.
- Адам къыйынлыгъын кёлтюрюр, зауукълугъун кёлтюрмез.
- Аджаллыгъа окъсуз шкок атылыр.
- Ишлерге уял да, ашаргъа табма.
- Кёзюнде тереги болгъан, чёбю болгъаннга кюле эди.
- Ханнга да келеди хариблик.
- Ёлген ийнек сютлю болур.
- Къанны къан бла джуума, аманны аман бла къуума.
- Тау башында, тау болмаз, джангыз терек, бау болмаз.
- Элде адам къалмаса, ит тахтагъа минер.
- Джылкъыдан – ат чыгъар, тукъумдан – джаш чыгъар.
Профиль
|
|
|
|||