- Къазанда болса, чолпугъа чыгъар.
- Адеб базарда сатылмаз.
- Хар ишни да аллы къыйынды.
- Акъыл бла адеб эгизледиле.
- Дуния мал дунияда къалады.
- Аджашханны ызындагъы кёреди, джангылгъанны джанындагъы биледи.
- Дуния аламаты сен эсенг да, игиме деб айтма.
- Ашда – бёрю, ишде – ёлю.
- Чоюнну башы ачыкъ болса, итге уят керекди.
- Харам къарнашдан, халал тенг ашхы.
- Дуния малгъа сатылма, кесингден телиге къатылма.
- Ашхы болсанг, атынг чыгъар, аман болсанг, джанынг чыгъар.
- Магъанасыз сёз – тауушсуз сыбызгъы.
- Къартны бурнун сюрт да, оноугъа тут.
- Башсыз урчукъ тюзюне айланмаз.
- Эки итни арасына сюек атма, эки адамны арасында сёз чыгъарма.
- Дууулдаса – бал чибин, къонса – къара чибин.
- Ашына кёре табагъы, балына кёре къалагъы.
- Билмезни кёзю кёрмез, этмезни къулагъы эшитмез.
- Юй кюйдю да, кюйюз чыкъды, ортасындан тюйюш чыкъды.
- Накъырданы арты керти болур.
- Ач къалгъандан, кеч къалгъан къолай.
- Джиби бир къат джетмей эди да, эки къат тарта эди.
- Нёгер болсанг, тенг бол, тенг болмасанг, кенг бол.
- Джыгъылгъанны сырты джерден тоймаз.
- Аман адам элни бир-бирине джау этер.
- Окъдан джара эртде-кеч болса да бителир, сёз джара, ёмюрге къалыр.
- Тойгъан джерден туугъан джер игиди.
- Кёзден кетген, кёлден да кетеди.
- Ана къолу ачытмаз.
- Терслик кетер, тюзлюк джетер.
- Сёз къанатсыз учар.
- Тешик этген тынчды, аны джамагъан къыйынды.
- Терек ауса, отунчу – кёб.
- Алгъанда – джууукъ, бергенде – джау.
- Айраннга суу къош, телиге джол бош.
- Башынга джетмегенни сорма.
- Окъумагъан сокъурду, сокъур ташха абыныр!
- Окъуусуз билим – джокъ, билимсиз кюнюнг – джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Бюгюн дуния кибик, тамбла ахыратды.
- Тиширыусуз юй – отсуз от джагъа.
- Кёлсюзден сёзсюз тууар.
- Сескекли кесин билдирир.
- Таш ата билмеген, башына урур.
- Тау башында, тау болмаз, джангыз терек, бау болмаз.
- Уруну арты – къуру.
- Джырына кёре эжиую.
- Атлыны ашхысы, ат тизгининден билинир
- Адамгъа аман кюн соруб келмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72