- Къуру гыбыт бек дыгъырдар.
- Акъылсызны джууукъгъа алма, акъыллыны кенгнге салма.
- Кёб ант этген, кёб ётюрюк айтыр.
- Айтхан сёзюне табылгъан.
- Билим ат болуб да чабар, къуш болуб да учар.
- Рысхы – насыбха къор.
- Этни да ашады, бетни да ашады.
- Къонакъ аз олтурур, кёб сынар.
- Тёзген – тёш ашар!
- Кимни – тили, тиши онглу, кимни – къолу, иши онглу.
- Ауурну тюбю бла, дженгилни башы бла джюрюген.
- Татлы сёз – балдан татлы.
- Ханы къызы буюгъа-буюгъа киштик болду.
- Джумушакъ терекни къурт ашар.
- Хар ишни да аллы къыйынды.
- Къыз тиширыу кеси юйюнде да къонакъды.
- Гугурук къычырмаса да, тангны атары къалмаз.
- Ашхы адам – халкъ байлыгъы, ашхы джер – джашау байлыгъы.
- Малны кют, джерни тюрт.
- Атадан ёксюз – бир ёксюз, анадан ёксюз – эки ёксюз.
- Дуния аламаты сен эсенг да, игиме деб айтма.
- Иги болса, тамадама – махтау, аман болса, меннге – айыб.
- Эри аманны, къатыны – аман.
- Бети – къучакълар, джюреги – бычакълар.
- Уллу сёзде уят джокъ.
- Шайтан алдады, тюзлюк къаргъады.
- Кёл – къызбай, къол – батыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ишлегенде эринме, ишде чолакъ кёрюнме.
- Ач бёрюге мекям джокъ.
- Тик ёргени, тик энгишгеси да болады.
- Мен да «сен», дейме, сен да «кесим», дейсе.
- Ачыу алгъа келсе, акъыл артха къалады.
- Ёмюрлюк шохлукъну джел элтмез.
- Мал ёлсе, сюек къалыр, адам ёлсе, иши къалыр.
- Эки къатын алгъанны къулагъы тынгнгаймаз.
- Тил джюрекге джол ишлейди.
- Гугук кесини атын айтыб къычыргъанча, мен, мен деб нек тураса?
- Эркишини аманы тиширыуну джылатыр.
- Магъанасыз сёз – тауушсуз сыбызгъы.
- Чакъырылмагъан къонакъ къачан кетерин сормаз.
- Аман адам этегингден тутса, кес да къач.
- Аманнга алтын чыдамаз.
- Джырчы ёлсе, джыры къалыр.
- Эл ауузу – элек, анга ийнаннган – халек.
- Джарлыны тону джаз битер.
- Джигер – джаннга къыйынлыкъ.
- Агъач – джерни чырайы, кийим – эрни чырайы.
- Бал ашаргъа сюе эсенг, чибин ургъаннга тёз.
- От кюйдюрген, сау болса да, тот кюйдюрген, сау болмаз.
Профиль
|
|
|
|||