- Аманны къуугъан, аманлыкъ табар.
- Тамырсыз терекге таянма – джыгъылырса.
- Ач да бол, токъ да бол – намысынга бек бол.
- Эллинг бла джау болсанг да, юйюнг бла джау болма.
- Джюрек кёзден алгъа кёрюр.
- Тюкюрюк баш джармаз, налат кёз чыгъармаз!
- Эринчекни эр алмаз, эр алса да, кёл салмаз, кёл салса да, кёб бармаз!
- Сакъалы текени да бар, мыйыгъы киштикни да бар.
- Эшекни не къадар тюйсенг да, ат болмаз.
- Сакъ юйюне сау барыр.
- Чакъырылмай келген къонакъ сыйланмай кетер.
- Сакъламагъан затынга джолукъсанг, не бек къууанаса, не бек ачыйса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Уясында не кёрсе, учханында аны этер.
- Къонагъы джокъну – шоху джокъ.
- Сабыр джетер муратха, сабырсыз къалыр уятха.
- Бал – татлы, балдан да бала – татлы.
- Кёл – къызбай, къол – батыр.
- Аман киши кеси юйюнде – къонакъ.
- Акъыл сабырлыкъ берир.
- Кёлсюзден сёзсюз тууар.
- Киштикге къанат битсе, чыпчыкъ къалмаз эди.
- Биреуню тёрюнден, кесинги эшик артынг игиди.
- «Ёгюз, джаргъа джууукъ барма, меннге джюк боллукъса», - дегенди эшек.
- Суугъа – чабакъ, къаягъа – ыргъакъ.
- Ургъан суудан башынгы сакъла.
- Чёбню кёлтюрсенг, тюбюнден сёз чыгъар.
- Ашлыкъны арба юйге келтирир, чана базаргъа элтир.
- Ёпкелегенни ашы татлы болады.
- Билмезни кёзю кёрмез, этмезни къулагъы эшитмез.
- Бек анасы джыламаз.
- Адамны сыфатына къарама, сёзюне къара.
- Этни да ашады, бетни да ашады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сангырау къулакъ эл бузар.
- Кеси юйюмде мен да ханма.
- Телиге акъыл салгъандан эсе, ёлгеннге джан салырса.
- Тойгъан джерге джети къайт.
- Къонакъны къачан кетерин сорма, къачан келлигин сор.
- Кёз – сюйген джерде, къол – ауругъан джерде.
- Хар зат кесини орнуна иги.
- Керти сёзге тёре джокъ.
- Эте билген, этген этеди, эте билмеген, юретген этеди!
- Къатын байлыкъны сюер, эр саулукъну сюер.
- Тюзлюк шохлукъну бегитир.
- Къарнынг тойгъунчу аша да, белинг талгъынчы ишле.
- Баш болса, бёрк табылыр.
- Сабийликде юретмесенг, уллу болса – тюзелмез.
- Атынг аманнга чыкъгъандан эсе, джанынг тамагъынгдан чыкъсын.
- Болджал ишни бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72