- Мухарны эси – ашарыкъда.
- Башы ишлегенни, ауузу да ишлер.
- Юй кюйдю да, кюйюз чыкъды, ортасындан тюйюш чыкъды.
- Чомарт бергенин айтмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ханнга да келеди хариблик.
- Айтылгъан сёз ызына къайтмаз.
- Арбаз къынгырды да, ийнек сауалмайма.
- Акъыллы айтыр эди, акъылсыз къоймайды.
- Акъыллы башны – тили къысха.
- Мухардан ач ычхынмаз.
- Тамырсыз терекге таянма – джыгъылырса.
- Ач – эснер, ат – кишнер.
- Тойгъанлыкъ къойгъа джарашады.
- Хар зат кесини орнуна иги.
- Джангыз торгъай джырламаз.
- Къарнынг къанлынга кийирир.
- Мухар, кеси тойса да, кёзю тоймаз.
- Ариу сёз аурууунгу алыр.
- Чакъырылмагъан къонакъ тёрге атламаз.
- Къоркъакъны кёзю экили кёрюр.
- Тас болгъан бычакъны сабы – алтын.
- Эри аманны, къатыны – аман.
- Акъыллы эркиши атын махтар, акъылсыз эркиши къатынын махтар.
- Ёлюр джаннга, ёкюл джокъ.
- Намысы болмагъанны, сыйы болмаз.
- Сабыр джетер муратха, сабырсыз къалыр уятха.
- Ойнай билмеген, уруб къачар.
- Артына баргъанны, къатына барма.
- Арпа, будай – ащды, алтын, кюмюш а – ташды.
- Бозаны арты дауур болур.
- Джарашыу сюйген – джалынчакъ.
- Кёзден кетген, кёлден да кетеди.
- Эски джаугъа ышанма.
- Кёл – къызбай, къол – батыр.
- Адамны сабийин сюйген джюреги, бычакъча, джитиди.
- Джетген къыз джерли эшекни танымаз.
- Эр сокъур болсун, къатын тилсиз болсун.
- Джюрекге ариу – кёзге да ариу.
- Азыкълы ат арымаз, къатыны аман джарымаз.
- Эшекге миннген – биринчи айыб, андан джыгъылгъан – экинчи айыб.
- Билмегенинги, билгеннге сор.
- Къатын байлыкъны сюер, эр саулукъну сюер.
- Чомарт джарлы болмаз.
- Келгинчи, къонакъ уялыр, келгенден сора, къонакъбай уялыр.
- Бастасын ашагъан, хантусун да ичер.
- Дуния аламаты сен эсенг да, игиме деб айтма.
- Магъанасыз сёз – тауушсуз сыбызгъы.
- Шапа кёб болса, аш татымсыз болур.
- Онгсузну – джакъла, тенгликни – сакъла.
Профиль
|
|
|||