- Джырына кёре эжиую.
- Къайгъыны сюйген, къайгъы табар.
- Башы ишлегенни, ауузу да ишлер.
- Ышармагъан – кюлмез, кюлмеген – къууанчны билмез.
- Кёпюр салгъан кеси ётер, уру къазгъан кеси кетер.
- Накъырданы арты керти болур.
- Насыблы элин сюер, насыбсыз кесин сюер.
- Этим кетсе да, сюегим къалыр.
- Юй ишлеген балта эшикде къалыр.
- Адамны сабийин сюйген джюреги, бычакъча, джитиди.
- Арбаз къынгырды да, ийнек сауалмайма.
- Иги адам абынса да, джангылмаз.
- Тилчи тилден къаныкъмаз.
- Тамбла алтындан бюгюн багъыр ашхы.
- Ёлмесенг да, къарт дамы болмазса?
- Кюн кёрмеген, кюн кёрсе, кюндюз чыракъ джандырыр.
- Босагъагъа джууукъ орун болса, ашыгъыб тёрге озма.
- Адебни адебсизден юрен.
- Аз айтсам, кёб ангылагъыз.
- Ашда уялгъан – мухар, ишде уялгъан – хомух.
- Къонакъны къачан кетерин сорма, къачан келлигин сор.
- Ачлыкъда тары гырджын халыуадан татлы.
- Джангызны оту джарыкъ джанмаз!
- Джюрекден джюрекге джол барды.
- Таукелге нюр джауар.
- Кимни – тили, тиши онглу, кимни – къолу, иши онглу.
- Аджаллыгъа окъсуз шкок атылыр.
- Халкъны юйю – туугъан джери.
- Аманнга алтын чыдамаз.
- Къызбайны юйюне дери сюрсенг, батыр болур.
- Билими азны – ауузунда кирит.
- Окъугъан – асыу, окъумагъан – джарсыу.
- Кёзю сокъурдан – къоркъма, кёлю сокъурдан – къоркъ.
- Тил джюрекге джол ишлейди.
- Иги сёз – джаннга азыкъ, аман сёз башха – къазыкъ.
- Ашха уста, юйюнде болсун
- Эр абынмай, эл танымаз.
- Aдам боллукъ, сыфатындан белгили.
- Эте билген, этген этеди, эте билмеген, юретген этеди!
- Хазыр ашха – терен къашыкъ.
- Тилде сюек болмаса да, сюек сындырыр.
- Къартха ушагъан джаш – акъыллы, джашха ушагъан къарт – тели.
- Сютден ауузу кюйген, суугъа юфгюре эди.
- Джангыз терек къынгыр ёсер.
- Къонагъы джокъну – шоху джокъ.
- Эки ойлашыб, бир сёлешген.
- Адам къыйынлыгъын кёлтюрюр, зауукълугъун кёлтюрмез.
- Хар адамгъа кеси миннген тау кибик.
- Адеб базарда сатылмаз.
- Ата Джуртун танымагъан, атасын да танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72