- Суу ичген шауданынга тюкюрме.
- Керилген да, ургъан кибикди.
- Джаз бир кюнню джатсанг, къыш талай кюнню абынырса.
- Ауузу аманнга «иги», деме.
- Ёлген ийнек сютлю болур.
- Джангызны оту джарыкъ джанмаз!
- Элни кючю – эмеген.
- Эр абынмай, эл танымаз.
- Башынга джетмегенни сорма.
- Бет бетге къараса, бет да джерге къарар.
- Таукелге нюр джауар.
- Айныгъанлы алты кюн, тогъайгъанлы тогъуз кюн.
- Сютню башын джалагъан къутулур, тюбюн ичген тутулур.
- Биреу къой излей, биреу той излей.
- Мал тутхан – май джалар.
- Эрине къаргъыш этген къатын, эрнин къабар.
- Тюз сёз баргъан сууну тыяр.
- Байны къызы баймакъ болса да, юйде къалмаз!
- Зарда марда джокъ.
- Къолунгдан къуймакъ ашатсанг да, атаны борчундан къутулмазса.
- Кёб ант этген, кёб ётюрюк айтыр.
- Тойгъан джерден туугъан джер игиди.
- Атлыны ашхысы, ат тизгининден билинир
- Ашаса, ашамаса да, бёрюню ауузу – къан.
- Иши джокъну, сыйы джокъ.
- Ишлемеген – тишлемез.
- Болджал ишни бёрю ашар.
- Джашлыкъ этмеген, башлыкъ этмез.
- Хазыр ашха – терен къашыкъ.
- Ашхы болсанг, атынг чыгъар, аман болсанг, джанынг чыгъар.
- Чакъырылмагъан къонакъ тёрге атламаз.
- Башда акъыл болмаса, эки аякъгъа кюч джетер.
- Эм ашхы къайын ана мамукъ бла башынгы тешер.
- Эки къатын алгъанны къулагъы тынгнгаймаз.
- Эски джаугъа ышанма.
- Къайгъыны сюйген, къайгъы табар.
- Къобан да къуру да къобханлай турмайды, адам да къуру да патчахлай турмайды.
- Аджашханны ызындагъы кёреди, джангылгъанны джанындагъы биледи.
- Бермеген къол, алмайды.
- Мени джылытмагъан кюн, меннге тиймесин!
- Игиге айтсанг – билир, аманнга айтсанг – кюлюр.
- Чоюнну башы ачыкъ болса, итге уят керекди.
- Билимден уллу байлыкъ джокъду.
- Ашда – бёрю, ишде – ёлю.
- Джыланны къуйругъундан басарынг келсе, аны башы болгъанын унутма.
- Ач къарынны, токъ билмез
- Биреу ашаб къутулур, биреу джалаб тутулур.
- Байлыкъ болгъан джерде, тынчлыкъ джокъду.
- Кийиминг бла танылма, адамлыкъ бла таныл.
- Адам къаллай бир ишленмесе, аллай бир кесин уллу кёреди.
Профиль
|
|
|||