- Шапа кёб болса, аш татымсыз болур.
- Келинни – келгинчи, бёркню кийгинчи кёр.
- Кийим тукъум сордурур.
- Этим кетсе да, сюегим къалыр.
- Ач къарным, тынч къулагъым.
- Ауурну тюбю бла, дженгилни башы бла джюрюген.
- Ушамагъан – джукъмаз.
- Ишлерге уял да, ашаргъа табма.
- Ойнай-ойнай кёз чыгъар.
- Башы ишлегенни, ауузу да ишлер.
- Джыланны къуйругъундан басарынг келсе, аны башы болгъанын унутма.
- Джылкъыдан – ат чыгъар, тукъумдан – джаш чыгъар.
- Ишин билген, аны сыйын чыгъарады.
- Кёзюнде тереги болгъан, чёбю болгъаннга кюле эди.
- От этилмеген джерден тютюн чыкъмайды.
- Ариу сёз – къылычдан джити.
- Эри аманны, къатыны – аман.
- Элни кючю – эмеген.
- Уллу атлама – абынырса, уллу къабма – къарылырса.
- Керти сёзге тёре джокъ.
- Джарашыу сюйген – джалынчакъ.
- Эринчекни аурууу – кёб.
- Гыдай эчки суугъа къараб, мюйюзле кёрмесе, джашма алкъын, дегенди.
- Алтыннга тот къонмаз.
- Гитче джилтин уллу элни джандырыр.
- Ойнаб айтсанг да, эслеб айт.
- Адеб джокъда, намыс джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Кесине гебен этелмеген, биреуге черен эте эди.
- Сабий болмагъан джерде, мёлек болмаз.
- Къарт бла баш аша, джаш бла аякъ аша.
- Къайгъы тюбю – тенгиз.
- Бал – татлы, балдан да бала – татлы.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомарт къолда мал къалмаз.
- Тынгылагъан тынгы бузар.
- Аман адам элни бир-бирине джау этер.
- Къарнынг ауруса, ауузунгу тый
- Бозанг болмагъан джерге, къалагъынгы сукъма.
- Ётген ёмюр – акъгъан суу.
- Билген билмегенни юретген адетди.
- Ашлыкъны арба юйге келтирир, чана базаргъа элтир.
- Эл бла кёргенинг эрелей.
- Ашыкъгъанны этеги бутуна чырмалыр.
- Байны къызы баймакъ болса да, юйде къалмаз!
- Туз, гырджын аша, тюзлюк бла джаша.
- Уллу айтханны этмеген – уллаймаз.
- Ашда – бёрю, ишде – ёлю.
- Эм уллу байлыкъ – джан саулукъ.
- Бёрю да ач къалмасын, эчки да ашалмасын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72