- Тулпарлыкъ, билекден тюл – джюрекден.
- Джогъун бар этген, барын бал этген.
- Бастасын ашагъан, хантусун да ичер.
- Айраннга суу къош, телиге джол бош.
- Сёз садакъдан кючлюдю.
- Чабар ат – джетген къыз.
- Сагъышы джокъ – джукъучу, акъылы джокъ – къаугъачы.
- Сабыр джетер муратха, сабырсыз къалыр уятха.
- Билмезни кёзю кёрмез, этмезни къулагъы эшитмез.
- Насыблы элин сюер, насыбсыз кесин сюер.
- Арбаз сайлама да, хоншу сайла.
- Айтылгъан буйрукъ, сёгюлмез
- Джаз бир кюнню джатсанг, къыш талай кюнню абынырса.
- Къоркъакъны кёзю экили кёрюр.
- Бюгюн дуния кибик, тамбла ахыратды.
- Алтыннга тот къонмаз.
- Къая джолда джортма, ачыкъ сёзден къоркъма.
- Эли джокъну – кёлю джокъ.
- Кёлю джокъну – джолу джокъ.
- Гугурук къычырмаса да, тангны атары къалмаз.
- Акъылсызны джууукъгъа алма, акъыллыны кенгнге салма.
- Джиби бир къат джетмей эди да, эки къат тарта эди.
- Билимден уллу байлыкъ джокъду.
- Айтхан сёзюне табылгъан.
- Оюмсуз атлагъан, аджалсыз ёлюр.
- Тилчи бир сагъатха айлыкъ хата этер.
- Чабакъсыз кёлге къармакъ салгъанлыкъгъа, чабакъ тутмазса.
- Ишлерге уял да, ашаргъа табма.
- Тынгылагъан тынгы бузар.
- Ашарыкъда сайлагъаннга – чий гырджын.
- Сакъалы текени да бар, мыйыгъы киштикни да бар.
- Ачны эсинде – аш.
- Адамны аты башхача, акъылы да башхады.
- Къатыны харакетли болса, эри къымсыз болур.
- Телини эшигин, махтау джабар.
- Кесине гебен этелмеген, биреуге черен эте эди.
- Татлы тилде – сёз ариу, чемер къолда – иш ариу.
- Чакъырылмай келген къонакъ сыйланмай кетер.
- Чабакъгъа акъыл, табагъа тюшсе келеди.
- Къызны минг тилер, бир алыр.
- Джумушакъ терекни къурт ашар.
- Кюл тюбюндеги от кёрюнмейди.
- Чакъырылмагъан къонакъ къачан кетерин сормаз.
- Джетген къыз джерли эшекни танымаз.
- Ёнгкюч къууана барыр, джылай келир.
- Акъыллы башны – тили къысха.
- Джаным-тиним – окъуу, билим.
- Уллу айтханны этмеген – уллаймаз.
- Тёзген – тёш ашар!
- Нафысынгы айтханын этме, намысынгы айтханын эт.
Профиль
|
|
|
|||