- Къазанчы аман болса, къазаны къайнамаз.
- Адамны джюреги нени кёрюрге сюйсе, кёзю да аны кёрюрге ёч болады.
- Минг тенг да азды, бир джау да кёбдю.
- Аш иеси бла татлыды.
- Ётюрюкчюню шагъаты – къатында.
- Таукел адам тау тешер.
- Тёзгеннге, джабылгъан эшик ачылыр.
- Юй ишлеген балта эшикде къалыр.
- Эрине къаргъыш этген къатын, эрнин къабар.
- Къарнынг тойгъунчу аша да, белинг талгъынчы ишле.
- Ат да турмайды бир териде.
- Ёлюр джаннга, ёкюл джокъ.
- Рысхысына кёре, джаш ёсер, къышлыгъына кёре, мал ёсер.
- Тилчи бир сагъатха айлыкъ хата этер.
- Уллу къашыкъ эрин джыртар.
- Баш болса, бёрк табылыр.
- Ойнай билмеген, оюн бузар.
- Мал кёб болса, джууукъ кёб болур.
- «Ма», - дегенни билмесенг, «бер», - дегенни билмезсе.
- Къан бла кирген, джан бла чыгъар.
- Сёз – кюмюш, джыр – алтын.
- Кёб ант этген, кёб ётюрюк айтыр.
- Адеб базарда сатылмаз.
- Ач къарынны, токъ билмез
- Чомартны къолун джокълукъ байлар.
- Ёгюзню мюйюзюнден тутадыла, адамны сёзюнден тутадыла.
- Къоркъакъны кёзю экили кёрюр.
- Кюн – узун, ёмюр – къысха.
- Байлыкъ адамны сокъур этер.
- Эки итни арасына сюек атма, эки адамны арасында сёз чыгъарма.
- Элге къуллукъ этмеген, элге ие болмаз.
- Алтыннга тот къонмаз.
- Тамчы таш тешер.
- Къралынгы – душмандан, башынгы от бла суудан сакъла.
- Аман къатын сабий табса, бий болур…
- Юйюнгден чыкъдынг – кюнюнгден чыкъдынг.
- Аман адам элни бир-бирине джау этер.
- Тынгылагъан тынгы бузар.
- Душманны тышы – акъ, ичи – къара.
- Игиге айтсанг – билир, аманнга айтсанг – кюлюр.
- Элни кючю – эмеген.
- Кютгени беш эчки, сызгъыргъаны уа, джерни джарады.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыл сабырлыкъ берир.
- Айтхан – тынч, этген – къыйын.
- Эки ойлашыб, бир сёлешген.
- Алгъанда – джууукъ, бергенде – джау.
- Джарашыу сюйген – джалынчакъ.
- Нафысынгы айтханын этме, намысынгы айтханын эт.
- Айтылгъан буйрукъ, сёгюлмез
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72