- Юйюнгден чыкъдынг – кюнюнгден чыкъдынг.
- Суугъа – чабакъ, къаягъа – ыргъакъ.
- Бал ашаргъа сюе эсенг, чибин ургъаннга тёз.
- Миллетни бойну – базыкъ, аны бла кюрешген – джазыкъ.
- Иесиз малны бёрю ашар.
- Ётген ёмюр – акъгъан суу.
- Сёлеш деб шай берген, тохта деб, сом берген.
- Къызны минг тилер, бир алыр.
- Ёксюзню тилеги къабыл болур.
- Бет бетге къараса, бет да джерге къарар.
- Акъыллы айтыр эди, акъылсыз къоймайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманны къуугъан, аманлыкъ табар.
- Тилчи тилден къаныкъмаз.
- Бюгюн дуния кибик, тамбла ахыратды.
- Джаш болсун, къыз болсун, акъылы, саны тюз болсун.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эркишиге тары кебек танг кёрюнюр.
- Къанны къан бла джуума, аманны аман бла къуума.
- Адамны джюреги нени кёрюрге сюйсе, кёзю да аны кёрюрге ёч болады.
- Джарлыны тону джаз битер.
- Аш кетер да бет къалыр.
- Тили узунну, намысы – къысха.
- Булут кёкге джарашыу, уят бетге джарашыу.
- Бетинги сатма, малынгы сат.
- Тёрде – темир таякълы, къаяда – чыпчыкъ аякълы.
- Абынмазлыкъ аякъ джокъ, джангылмазлыкъ джаякъ джокъ.
- Ашхы атаны – джашы ашхы, ашхы ананы – къызы ашхы.
- Ариу сёз – джаннга азыкъ, аман сёз – башха къазыкъ.
- Садакъачыны джаны – къапчыгъында.
- Дуния малгъа сатылма, кесингден телиге къатылма.
- Таукелге нюр джауар.
- Босагъагъа джууукъ орун болса, ашыгъыб тёрге озма.
- Эки элинги тыйсанг, джети элде махталырса.
- Ашхылыкъ джерде джатмайды, аманлыкъ суугъа батмайды.
- Тойчу джашха къарама, къойчу джашха къара.
- Кирсизни – саны таза, халалны – къаны таза.
- Къыйынлы джети элни къайгъысын этер.
- Къызгъанчдан ычхыныр, мухардан ычхынмаз.
- Аман адамны тепсинге олтуртсанг, къызынгы тилер.
- Къонакъ хазыр болгъанлыкъгъа, къонакъбай хазыр тюлдю.
- Берекет берсин деген джерде, берекет болур.
- Элге къуллукъ этмеген, элге ие болмаз.
- Кёкдеги болмаса, джердегин кёрмейди.
- Элни кючю – эмеген.
- Джол бла сёзню къыйыры джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Бети къызарыучу адамны, джюреги харам болмаз.
- Керек ташны ауурлугъу джокъ.
Профиль
|
|
|||