- Таула не мийик болсала да, аууш табылыр.
- Кёзню ачылгъаны – иги, ауузну джабылгъаны – иги.
- Юй кюйдю да, кюйюз чыкъды, ортасындан тюйюш чыкъды.
- Сабыр джетер муратха, сабырсыз къалыр уятха.
- Ёлген ийнек сютлю болур.
- Тойгъа барсанг, тоюб бар, эски тонунгу къоюб бар.
- Эркишиге тары кебек танг кёрюнюр.
- Окъ къызбайны джокълайды.
- Суу да къайтады чыкъгъан джерине.
- Аманны эки битли тону болур, бирин сеннге кийдирир, бирин кеси киер.
- Тилчи тилден къаныкъмаз.
- Ишлегенде эринме, ишде чолакъ кёрюнме.
- Аллахдан тилесенг, кёб тиле.
- Ашда – бёрю, ишде – ёлю.
- Акъыл неден да кючлюдю.
- Дуния аламаты сен эсенг да, игиме деб айтма.
- Къонагъынгы артмагъын алма да, алгъышын ал.
- Бир абыннган – минг сюрюнюр.
- Зар адам ашынгы ашар, кесинги сатар.
- Окъумагъан сокъурду, сокъур ташха абыныр!
- Босагъа таш юйге кирмей эди, тыбыр таш эшикге чыкъмай эди.
- Этим кетсе да, сюегим къалыр.
- Тёрдеги кюлсе, эшикдеги ышарыр.
- Сакъалы текени да бар, мыйыгъы киштикни да бар.
- Джаш болсун, къыз болсун, акъылы, саны тюз болсун.
- Уллу атлама – абынырса, уллу къабма – къарылырса.
- Джюрекге ариу – кёзге да ариу.
- Айранын берсенг, челегин да къызгъанма.
- Ачлыкъда тары гырджын халыуадан татлы.
- Сакъламагъан затынга джолукъсанг, не бек къууанаса, не бек ачыйса.
- Билеги кючлю, бирни джыгъар, билими кючлю, мингни джыгъар.
- Бермеген къол, алмайды.
- Ашыкъгъан cуу, тенгизге джетмез.
- Ётген ёмюр – акъгъан суу.
- Ёмюрлюк шохлукъну джел элтмез.
- Асхат ашлыкъ сата, юйдегиси ачдан къата.
- Кёл – къызбай, къол – батыр.
- Сютню башын джалагъан къутулур, тюбюн ичген тутулур.
- Таякъ этден ётер, тил сюекден ётер.
- Чабакъгъа акъыл, табагъа тюшсе келеди.
- Джетген къыз джерли эшекни танымаз.
- Арпа, будай – ащды, алтын, кюмюш а – ташды.
- Ишни аллы бла къууанма да, арты бла къууан.
- Кюн кёрмеген, кюн кёрсе, кюндюз чыракъ джандырыр.
- Тойгъан антын унутур.
- Ашына кёре табагъы, балына кёре къалагъы.
- Ёксюзню тилеги къабыл болур.
- Адамны сыфатына къарама, сёзюне къара.
- Атлыны кёрсе, джаяуну буту талыр.
- Ишлегенден, къарагъан уста.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72