- Тойгъан антын унутур.
- Гыдай эчки суугъа къараб, мюйюзле кёрмесе, джашма алкъын, дегенди.
- Кимни – тили, тиши онглу, кимни – къолу, иши онглу.
- Хар адамгъа кеси миннген тау кибик.
- Уллу къазанда бишген эт, чий къалмаз.
- Къарнынг ауруса, ауузунгу тый
- Ёксюзню къалачы уллу кёрюнюр.
- Намыс сатылыб алынмайды.
- Окъугъан – асыу, окъумагъан – джарсыу.
- Таукел адам тау тешер.
- Бир абыннган – минг сюрюнюр.
- Кёрмегеннге кебек – танг, битмегеннге сакъал – танг.
- Мадар болса, къадар болур.
- Телини эшигин, махтау джабар.
- Джуртун къоругъан озар.
- Джылыгъа джылан илешир.
- Къыз тиширыу кеси юйюнде да къонакъды.
- Джумушакъ терекни къурт ашар.
- Тилчиден кери бол.
- Аш иеси бла татлыды.
- Къонагъынгы артмагъын алма да, алгъышын ал.
- Юй ишлеген балта эшикде къалыр.
- Кёзден кетген, кёлден да кетеди.
- Иги – алгъыш этер, аман – къаргъыш этер.
- Биреуню къыйынлыгъы бла кесинге джол ишлеме.
- Джыгъылгъанны сырты джерден тоймаз.
- Къобан да къуру да къобханлай турмайды, адам да къуру да патчахлай турмайды.
- Окъумагъан сокъурду, сокъур ташха абыныр!
- Алим болгъандан эсе, адам болгъан къыйынды.
- Башы ишлегенни, ауузу да ишлер.
- Магъанасыз сёз – тауушсуз сыбызгъы.
- Элге къуллукъ этмеген, элге ие болмаз.
- Эр абынмай, эл танымаз.
- Билмезни кёзю кёрмез, этмезни къулагъы эшитмез.
- Джолда аягъынга сакъ бол, ушакъда тилинге сакъ бол.
- Бети къызарыучу адамны, джюреги харам болмаз.
- Байдан умут эте, джарлыдан ёгюз багъасы къорады.
- Урама да – ёледи, сатама да – келеди.
- Дуния малгъа сатылма, кесингден телиге къатылма.
- Байма, деб да, къууанма, джарлыма, деб да, джылама.
- Иги джашны ышаны – аз сёлешиб, кёб тынгылар.
- Бастасын ашагъан, хантусун да ичер.
- Ариу джол аджал келтирмез.
- Хоншуну тауугъу къаз кёрюнюр, келини къыз кёрюнюр.
- Ёмюрлюк шохлукъну джел элтмез.
- Мухарны эси – ашарыкъда.
- Уясында не кёрсе, учханында аны этер.
- Эринчекни аурууу – кёб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джыйырма къойну юч джыйырма эбзе кюте эди.
Профиль
|
|
|||