- Къазанчы аман болса, къазаны къайнамаз.
- Этни бети бла шорпасы.
- Ата Джуртун танымагъан, атасын да танымаз.
- Рысхы джалгъанды: келген да этер, кетген да этер.
- Намыс сатылыб алынмайды.
- Садакъачыны джаны – къапчыгъында.
- Ишлерге уял да, ашаргъа табма.
- Уллу къашыкъ эрин джыртар.
- Сакъалы текени да бар, мыйыгъы киштикни да бар.
- Билгенни къолу къарны джандырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Кюлме джашха – келир башха.
- Чоюнну башы ачыкъ болса, итге уят керекди.
- Билим – акъылны чырагъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адамны адамлыгъы къыйынлыкъда айгъакъланады.
- Эм ашхы къайын ана мамукъ бла башынгы тешер.
- Ауузу аманнга «иги», деме.
- Эллинг бла джау болсанг да, юйюнг бла джау болма.
- Джаз бир кюнню джатсанг, къыш талай кюнню абынырса.
- Айранын берсенг, челегин да къызгъанма.
- Ойнай-ойнай кёз чыгъар.
- Хазыр ашха – терен къашыкъ.
- Нарт сёз – тилни бети.
- Тилчи тилден къаныкъмаз.
- Керек ташны ауурлугъу джокъ.
- Ёксюзню тилеги къабыл болур.
- Акъыллы эркиши атын махтар, акъылсыз эркиши къатынын махтар.
- Къартха ушагъан джаш – акъыллы, джашха ушагъан къарт – тели.
- Келлик заман – къартлыкъ келтирир, кетген заман – джашлыкъ ёлтюрюр.
- Аз сёлешген, къайгъысыз турур.
- Бети – къучакълар, джюреги – бычакълар.
- Танг атмайма десе да, кюн къоярыкъ тюйюлдю.
- Ёпкелегенни ашы татлы болады.
- Къарнынг бла ёч алма.
- Джаш болсун, къыз болсун, акъылы, саны тюз болсун.
- Ачыу алгъа келсе, акъыл артха къалады.
- Башынга джетмегенни сорма.
- Азыкълы ат арымаз, къатыны аман джарымаз.
- Ишни аллы бла къууанма да, арты бла къууан.
- Ауругъаннга – кийик саулукъ, джетген къызгъа – чилле джаулукъ.
- Ариу сёз – къылычдан джити.
- Эски джаугъа ышанма.
- Адеб базарда сатылмаз.
- Акъыл неден да кючлюдю.
- Окъуусуз билим – джокъ, билимсиз кюнюнг – джокъ.
- Дууулдаса – бал чибин, къонса – къара чибин.
- Суу кетер, таш къалыр.
- Ата Джуртча джер болмаз, туугъан элча эл болмаз.
- Юйлю уругъа ит чабмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72