- Уллу айтханны этмеген – уллаймаз.
- Къралынгы – душмандан, башынгы от бла суудан сакъла.
- Аманнга игилик этсенг, юйюнге сау бармазса.
- Тойгъан антын унутур.
- Накъырданы арты керти болур.
- Татлы тилде – сёз ариу, чемер къолда – иш ариу.
- Билмегенинги, билгеннге сор.
- Юйюнгден чыкъдынг – кюнюнгден чыкъдынг.
- Уллу къазанда бишген эт, чий къалмаз.
- Игилик игилик бла сингдирилиучю затды.
- Суу ичген шауданынга тюкюрме.
- Бир абыннган – минг сюрюнюр.
- Башынга джетмегенни сорма.
- Нёгерсизни джолу узун.
- Къыйынлы джети элге оноу этер.
- Акъылсызны джууукъгъа алма, акъыллыны кенгнге салма.
- Таукел тауну аудурур.
- Билими азны – ауузунда кирит.
- Эки элинги тыйсанг, джети элде махталырса.
- Къонакъ кёб келюучю юйню, къазаны отдан тюшмез.
- Ишни ахырын ойламай, аллын башлама.
- Керти сёзге тёре джокъ.
- Джолда аягъынга сакъ бол, ушакъда тилинге сакъ бол.
- Бетинги сатма, малынгы сат.
- Орну джокъну – сыйы джокъ.
- Чарсда алчыны эл кёреди.
- Джашлыкъ этмеген, башлыкъ этмез.
- Мураты болгъанны джюрек тебюую башхады.
- Ётюрюкчюню шагъаты – къатында.
- Хаухну атма, ёнгкючню сатма.
- Суугъа – таянма, джаугъа – ийнанма.
- Аз сёлешген, къайгъысыз турур.
- Хар зат кесини орнуна иги.
- Аурууну келиую тынч, кетиую – къыйын.
- Керилген да, ургъан кибикди.
- Джангыз торгъай джырламаз.
- Хар ишни да аллы къыйынды.
- Эм уллу байлыкъ – джан саулукъ.
- Зарда марда джокъ.
- Этни бети бла шорпасы.
- Къатын къылыкъсыз, эр тынчлыкъсыз.
- Намысы болмагъанны, сыйы болмаз.
- Ач къарынны, токъ билмез
- Чоюнну башы ачыкъ болса, итге уят керекди.
- Сёз къанатсыз учар.
- Джырына кёре эжиую.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъдан къара болмаз.
- Джигер – джаннга къыйынлыкъ.
- Таш бла ургъанны, аш бла ур.
Профиль
|
|
|||