- Юй кюйдю да, кюйюз чыкъды, ортасындан тюйюш чыкъды.
- Элиб деген, элге болушур.
- Аз сёлешген, къайгъысыз турур.
- Гырджын – тепсини тамадасы.
- Ашда уялгъан – мухар, ишде уялгъан – хомух.
- Аджалсыз ёлюм болмаз.
- Юреннген ауруу къалмаз.
- Бал ашаргъа сюе эсенг, чибин ургъаннга тёз.
- Окъуу – билимни ачхычы, окъуу – дунияны бачхычы.
- Ариу сёз – джаннга азыкъ, аман сёз – башха къазыкъ.
- Кёб ант этген, кёб ётюрюк айтыр.
- Чыкълы кюнде чыкъмагъан, чыкъса къуру кирмеген.
- Къайгъы тюбю – тенгиз.
- Элге къуллукъ этмеген, элге ие болмаз.
- Джырчы ёлсе, джыры къалыр.
- Киштикге къанат битсе, чыпчыкъ къалмаз эди.
- Таукел тауну аудурур.
- Сууда джау джокъ, кёб сёзде магъана джокъ.
- Урунуу – насыбны анасы.
- Къонакъ аз олтурур, кёб сынар.
- Асхат ашлыкъ сата, юйдегиси ачдан къата.
- Къралынгы – душмандан, башынгы от бла суудан сакъла.
- Уруну арты – къуру.
- Ушамагъан – джукъмаз.
- Кёл – къызбай, къол – батыр.
- Джигер – джаннга къыйынлыкъ.
- Джашлыкъ этмеген, башлыкъ этмез.
- Ат басханны джер билед.
- Тура эдим джата, къайдан чыкъды хата?
- Айранны сюйген, ийнек тутар.
- Къаллай салам берсенг, аллай джууаб алырса.
- Хар сёзню орну барды.
- Ана къойну – балагъа джандет.
- Чомартха хар кюн да байрамды.
- Ойнай билмеген, уруб къачар.
- Бичгенде ашыкъма, тикгенде ашыкъ.
- Адамны сыфатына къарама, сёзюне къара.
- Телини эшигин, махтау джабар.
- Гитче джилтин уллу элни джандырыр.
- Къайгъыны сюйген, къайгъы табар.
- Къыйынлы джети элни къайгъысын этер.
- Онгсузну – джакъла, тенгликни – сакъла.
- Джетген къыз джерли эшекни танымаз.
- Игини сыйлагъан адетди.
- Суугъа – чабакъ, къаягъа – ыргъакъ.
- Сескекли кесин билдирир.
- Душманны тышы – акъ, ичи – къара.
- Аллахдан тилесенг, кёб тиле.
- Джюрекден джюрекге джол барды.
- Кёпюр салгъан кеси ётер, уру къазгъан кеси кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72