- Ата Джуртуму башы болмасам да, босагъасында ташы болайым.
- Айтхан сёзюне табылгъан.
- Чарсда алчыны эл кёреди.
- Игини сыйлагъан адетди.
- Таула не мийик болсала да, аууш табылыр.
- Сормай – алма, чакъырылмай – барма.
- Арба аугъандан сора, джол кёргюзтюучю кёб болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёзденликни кёбю ётюрюк.
- Аманны тукъумуна къарама, игини тукъумун сорма.
- Хар адамгъа кеси миннген тау кибик.
- Кюл тюбюндеги от кёрюнмейди.
- Эр сокъур болсун, къатын тилсиз болсун.
- Ёлген аслан – сау чычхан.
- Таш ата билмеген, башына урур.
- Алтыда кюлмеген, алтмышда кюлмез.
- Экиндини кеч къылсанг, чабыб джетер ашхам.
- Гитче джилтин уллу элни джандырыр.
- Чыкълы кюнде чыкъмагъан, чыкъса къуру кирмеген.
- Бети бедерден, намыс сакълама.
- Иги – алгъыш этер, аман – къаргъыш этер.
- Юйлю уругъа ит чабмаз.
- Сабыр джетер муратха, сабырсыз къалыр уятха.
- Иги сеники эсе да, сюйген кесимикин этеме.
- Эм ашхы къайын ана мамукъ бла башынгы тешер.
- Уруну арты – къуру.
- Ёнгкюч къууана барыр, джылай келир.
- Ауурну тюбю бла, дженгилни башы бла джюрюген.
- Джангыз терек къынгыр ёсер.
- Тюзню ётмеги тюзде къалса да, тас болмаз.
- Аякъларынгы джууургъанынга кёре узат.
- Аурууну келиую тынч, кетиую – къыйын.
- Ишге юренсин къоллары, халкъ бла болсун джоллары.
- Бозанг болмагъан джерге, къалагъынгы сукъма.
- Тай асырагъан, атха минер.
- Атлыны ашхысы, ат тизгининден билинир
- Къолу уллу – асыу, аягъы уллу – джарсыу.
- Къая джолда джортма, ачыкъ сёзден къоркъма.
- Джетген къыз джерли эшекни танымаз.
- Байлыкъ болгъан джерде, тынчлыкъ джокъду.
- Дженгил джетерикме деб, узун джолну къоюб, къысхасын барма.
- Адам сёзюнден белгили.
- Джаханимни кёрмей, джандетге кёл салмазса.
- Джолунга кёре – джюрюшюнг, джагъанга кёре – юлюшюнг.
- Чомарт бергенин айтмаз.
- Аманны эки битли тону болур, бирин сеннге кийдирир, бирин кеси киер.
- Иги сёз – джаннга азыкъ, аман сёз башха – къазыкъ.
- Эл ауузу – элек, анга ийнаннган – халек.
- Акъыллы эркиши атын махтар, акъылсыз эркиши къатынын махтар.
- Таш бла ургъанны, аш бла ур.
Профиль
|
|
|
|||