- Аман къатын алгъан, арыр, иги къатын алгъан джарыр.
- Кёпюр салгъан кеси ётер, уру къазгъан кеси кетер.
- Уясында не кёрсе, учханында аны этер.
- Къонагъы джокъну – шоху джокъ.
- Билмейме деген – бир сёз
- Джумушакъ терекни къурт ашар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Окъумагъан сокъурду, сокъур ташха абыныр!
- Суугъа – чабакъ, къаягъа – ыргъакъ.
- Мураты болгъанны джюрек тебюую башхады.
- Тойгъа алгъа да барма, тойда артха да къалма.
- Ёзденликни кёбю ётюрюк.
- Хазыр ашха – терен къашыкъ.
- Ашхы тенг джолгъа салыр, аман тенг джолдан тайдырыр.
- Джашлыкъ этмеген, башлыкъ этмез.
- Аууз сакълагъан – джан сакълар.
- Къралынгы – душмандан, башынгы от бла суудан сакъла.
- Ата – баланы уясы.
- Чабакъ башындан чирийди.
- Ашарыкъда сайлагъаннга – чий гырджын.
- Тюзлюк тас болмайды.
- Эркиши – от, тиширыу – суу.
- Ариу сёз аурууунгу алыр.
- Хар адамгъа кеси миннген тау кибик.
- Аман адам этегингден тутса, кес да къач.
- Сёз – кюмюш, джыр – алтын.
- Тил – миллетни джаны.
- Ариу – кёзге, акъыл – джюрекге.
- Окъугъанны бети джарыкъ.
- Тыш элде солтан болгъандан эсе, кесинги элде олтан болгъан игиди!
- Сакъламагъан затынга джолукъсанг, не бек къууанаса, не бек ачыйса.
- Ачыу алгъа келсе, акъыл артха къалады.
- Аджашхан тёгерек айланыр.
- Къарын къуру болса, джюрек уру болур.
- Ауругъаннга – кийик саулукъ, джетген къызгъа – чилле джаулукъ.
- Адамны артындан къара сабан сюрме.
- Адам сёзюнден белгили.
- Итли къонакъ джарашмаз.
- Халкъны юйю – туугъан джери.
- Ашаса, ашамаса да, бёрюню ауузу – къан.
- Чоюнну башы ачыкъ болса, итге уят керекди.
- Суу ичген шауданынга тюкюрме.
- Чакъырылмагъан къонакъ къачан кетерин сормаз.
- Тили узунну, намысы – къысха.
- Халкъгъа джарагъан, джарлы къалмаз.
- Къарт айтханны этмеген, къартаймаз.
- Эртде тургъан джылкъычыны эркек аты тай табар.
- Агъач халкъгъа алтынды, иссиликге салкъынды.
- Иги сёз – джаннга азыкъ, аман сёз башха – къазыкъ.
- Ойнай билмеген, уруб къачар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72