- Аз сёлешген, къайгъысыз турур.
- Иши джокъну, сыйы джокъ.
- Эртде тургъан джылкъычыны эркек аты тай табар.
- Джашда акъыл джокъ, къартда къарыу джокъ.
- Чыкълы кюнде чыкъмагъан, чыкъса къуру кирмеген.
- Мал кёб болса, джууукъ кёб болур.
- Намысы болмагъанны, сыйы болмаз.
- Тамырсыз терекге таянма – джыгъылырса.
- Эли джокъну – кёлю джокъ.
- Ата Джуртуму башы болмасам да, босагъасында ташы болайым.
- Уллу суу бла уллу ауруудан башынгы сакъла.
- Кийимни бир кюнню аясанг, минг кюннге джарар.
- Рысхы – сют юсюнде кёмюк кибикди.
- Джарлы джети элни сёзюн этер.
- Гугук кесини атын айтыб къычыргъанча, мен, мен деб нек тураса?
- Аманнга алтын чыдамаз.
- Чакъырылмагъан къонакъ къачан кетерин сормаз.
- Джырына кёре эжиую.
- Урунуу – насыбны анасы.
- Элни кючю – эмеген.
- Аш кетер да бет къалыр.
- Шекер бла туз – бир болмаз, ушамагъан – юй болмаз.
- Джуртун къоругъан озар.
- Ач, тоймам, дейди, тойгъан, ач болмам, дейди.
- Сормай – алма, чакъырылмай – барма.
- Бек ашыкъгъан меннге джетсин, дегенди аракъы.
- Къарын къуру болса, джюрек уру болур.
- Окъ къызбайны джокълайды.
- Эркиши – от, тиширыу – суу.
- Къулакъдан эсе, кёзге ышан.
- Ишлемеген – тишлемез.
- Тёрде – темир таякълы, къаяда – чыпчыкъ аякълы.
- Тилсиз миллет джокъ болур.
- Сабий кёргенин унутмаз.
- Биреуню тёрюнден, кесинги эшик артынг игиди.
- Ишленмеген джаш – джюгенсиз ат, ишленмеген къыз – тузсуз хант.
- Эл элде бирер малынг болгъандан эсе, бирер тенгинг болсун.
- Аллахха ийнаннган кишини, Аллах онгдурур ишин.
- Къыйынлы джети элге оноу этер.
- Сабийни джумушха джибер да, ызындан бар.
- Иги – алгъыш этер, аман – къаргъыш этер.
- Болджал ишни бёрю ашар.
- Чабакъгъа акъыл, табагъа тюшсе келеди.
- Къазанны башы ачыкъ болса, итге уят керекди.
- Телиге акъыл салгъандан эсе, ёлгеннге джан салырса.
- Тил – миллетни джаны.
- Джумушакъ терекни къурт ашар.
- Уллу сёлешме да, уллу къаб.
- Къонакъ аман болса, къонакъбай джунчур
- Тамбла алтындан бюгюн багъыр ашхы.
Профиль
|
|
|
|||