- Ачлыкъда тары гырджын халыуадан татлы.
- Ачыу алгъа келсе, акъыл артха къалады.
- Джарлы эскисин джамаса, къууаныр.
- Джарлыны эшигин махтагъан джабар.
- Джашны джигитлиги сорулур, къызны джигерлиги сорулур.
- Аджашханны ызындагъы кёреди, джангылгъанны джанындагъы биледи.
- Тин – байлыгъынг, терен саулугъунг.
- Аз сёлеш, кёб ишле.
- Ашхы адам – халкъ байлыгъы, ашхы джер – джашау байлыгъы.
- Ач бёрюге мекям джокъ.
- Джаным-тиним – окъуу, билим.
- Уллу сёзде уят джокъ.
- Чыкълы кюнде чыкъмагъан, чыкъса къуру кирмеген.
- Аман хансны – урлугъу кёб.
- Орну джокъну – сыйы джокъ.
- Термилгенинги табмазса, кюлгенинге тюберсе.
- Тюзню ётмеги тюзде къалса да, тас болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игилик игилик бла сингдирилиучю затды.
- Мал тутхан – май джалар.
- Рысхысына кёре, джаш ёсер, къышлыгъына кёре, мал ёсер.
- Агъач – джерни чырайы, кийим – эрни чырайы.
- Ашыкъгъанны этеги бутуна чырмалыр.
- Сабийликде юретмесенг, уллу болса – тюзелмез.
- Кийимни бир кюнню аясанг, минг кюннге джарар.
- Байны къызы баймакъ болса да, юйде къалмаз!
- Ашлыкъ – бюртюкден, джюн – тюкден.
- Зарда марда джокъ.
- Таш ата билмеген, башына урур.
- Сыфатында болмагъаны, суратында болмаз.
- Иги сеники эсе да, сюйген кесимикин этеме.
- Кёл ашады да, кеси ашады.
- Ачлыкъ отха секиртир.
- Ойнай билмеген, оюн бузар.
- Иши джокъну, сыйы джокъ.
- Тойгъа барсанг, тоюб бар, эски тонунгу къоюб бар.
- Ёпкелегенни ашы татлы болады.
- Акъылсызны джууукъгъа алма, акъыллыны кенгнге салма.
- Нафысынгы айтханын этме, намысынгы айтханын эт.
- Чабакъсыз кёлге къармакъ салгъанлыкъгъа, чабакъ тутмазса.
- Ишлегенден, къарагъан уста.
- Агъач халкъгъа алтынды, иссиликге салкъынды.
- Хунаны тюбюн къазсанг, юсюнге ауар.
- Ауругъанны сау билмез, ач къарынны токъ билмез.
- Биреуге аманлыкъ этиб, кесинге игилик табмазса.
- Билим къая тешер.
- Джаш къарыу бла кючлю, къарт акъыл бла кючлю.
- Чакъырылмай келген къонакъ сыйланмай кетер.
- Ашда уялгъан – мухар, ишде уялгъан – хомух.
- Кёб къычыргъандан – къоркъма, тынч олтургъандан – къоркъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72