- Сууда джау джокъ, кёб сёзде магъана джокъ.
- Этек чакъмакълары баш джаргъан, сёлешген сёзлери таш джаргъан.
- Байлыкъ болгъан джерде, тынчлыкъ джокъду.
- Кёлсюзден сёзсюз тууар.
- Джылкъыдан – ат чыгъар, тукъумдан – джаш чыгъар.
- Сабийликде юретмесенг, уллу болса – тюзелмез.
- Чыбыкълыкъда бюгюлмеген, къазыкълыкъда бюгюлмей эди.
- Хар ишни да аллы къыйынды.
- Башсыз урчукъ тюзюне айланмаз.
- Мени джылытмагъан кюн, меннге тиймесин!
- Ач келгенни – тойдур, кеч келгенни – къондур.
- Джюрек кёзден алгъа кёрюр.
- Халкъны джырын джырласанг, халкъ санга эжиу этер.
- Бойнуму джети джерден кессенг да, мен ол ишни этеллик тюлме.
- Джашда акъыл джокъ, къартда къарыу джокъ.
- Эм уллу байлыкъ – джан саулукъ.
- Аджашханны ызындагъы кёреди, джангылгъанны джанындагъы биледи.
- Элде адам къалмаса, ит тахтагъа минер.
- Къызын тута билмеген, тул этер, джашын тута билмеген, къул этер.
- Аманнга да, игиге да оноусуз къатышма.
- Чомартха Тейри да борчлуду.
- Тенгни тенглиги джашай барсанг билинир.
- Кийиминг бла танылма, адамлыкъ бла таныл.
- Аз сёлешген, къайгъысыз турур.
- Чабакъгъа акъыл, табагъа тюшсе келеди.
- Аман къатын алгъан, арыр, иги къатын алгъан джарыр.
- Рысхы – насыбха къор.
- Ауурну тюбю бла, дженгилни башы бла джюрюген.
- Баланы адам этген анады.
- Огъурлуну сёзю – суу, огъурсузну сёзю – уу.
- Эски джаугъа ышанма.
- Тынгылагъан тынгы бузар.
- Бермеген къол, алмайды.
- Уллу къашыкъ эрин джыртар.
- Чалманны аллы къалай башланса, арты да алай барады.
- Чомартны къолун джокълукъ байлар.
- Къайтырыкъ эшигинги, къаты уруб чыкъма.
- Ашхы тенг джолгъа салыр, аман тенг джолдан тайдырыр.
- Сёз сёзню айтдырыр.
- Ауузу аманнга «иги», деме.
- Баш – акъыл ючюн, акъылман – халкъ ючюн.
- Аякъларынгы джууургъанынга кёре узат.
- Терслик кетер, тюзлюк джетер.
- Иги – алгъыш этер, аман – къаргъыш этер.
- Сёлеш деб шай берген, тохта деб, сом берген.
- Арбаз къынгырды да, ийнек сауалмайма.
- Кесинг сынамагъан затны, адамгъа буюрма.
- Ата Джуртча джер болмаз, туугъан элча эл болмаз.
- Ёлген эшек бёрюден къоркъмайды.
- Сёз садакъдан кючлюдю.
Профиль
|
|
|
|||