- Къолунгдан къуймакъ ашатсанг да, атаны борчундан къутулмазса.
- «Ма», - дегенни билмесенг, «бер», - дегенни билмезсе.
- Шекер бла туз – бир болмаз, ушамагъан – юй болмаз.
- Телиге от эт десенг, юйюнге от салыр.
- Сибиртки да сыйлы болду, кюрек да кюнлю болду.
- Акъылсызны джууукъгъа алма, акъыллыны кенгнге салма.
- Сёз сёзню айтдырыр.
- Олтуруб кёрюнмей эди да, ёрге туруб кёрюне эди.
- Джогъун бар этген, барын бал этген.
- Этим кетсе да, сюегим къалыр.
- Ариу – кёзге, акъыл – джюрекге.
- Ашда – бёрю, ишде – ёлю.
- Къонагъынгы артмагъын алма да, алгъышын ал.
- Къаллай салам берсенг, аллай джууаб алырса.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёксюзню тилеги къабыл болур.
- Таукелге нюр джауар.
- Таугъа чыгъаллыкъ эсенг, тюзде къалма.
- Экеулен сёлеше тура эселе, орталарына барыб кирме.
- Акъыл бла адеб эгизледиле.
- Орундукъ тюбюнде атылсам да, орта джиликме, де да айлан.
- Дуния мал дунияда къалады.
- Азыгъы аз, алгъа къабар, аты аман, алгъа чабар.
- Хатерли къул болур.
- Байлыкъдан саулукъ ашхыды.
- Мени джылытмагъан кюн, меннге тиймесин!
- Хоншуну тауугъу къаз кёрюнюр, келини къыз кёрюнюр.
- Адам къыйынлыгъын кёлтюрюр, зауукълугъун кёлтюрмез.
- Ышармагъан – кюлмез, кюлмеген – къууанчны билмез.
- Суугъа – таянма, джаугъа – ийнанма.
- Эм ашхы къайын ана мамукъ бла башынгы тешер.
- Мухарны эси – ашарыкъда.
- Аякъларынгы джууургъанынга кёре узат.
- Аллахдан тилесенг, кёб тиле.
- Булут кёкге джарашыу, уят бетге джарашыу.
- Алтыннга тот къонмаз.
- Ата – баланы уясы.
- Айтылгъан буйрукъ, сёгюлмез
- Ёлюр джаннга, ёкюл джокъ.
- Юре билмеген ит, къонакъ келтирир.
- Акъыллы башны – тили къысха.
- Тили узунну, намысы – къысха.
- Ишлемеген – тишлемез.
- Юйюнг бла джау болгъандан эсе, элинг бла джау бол.
- Окъугъан – асыу, окъумагъан – джарсыу.
- Эски джаугъа ышанма.
- Арба аугъандан сора, джол кёргюзтюучю кёб болур.
- Адеб джокъда, намыс джокъ.
- Рысхы – насыбха къор.
- Башланнган иш битер, къымылдагъан тиш тюшер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72