- Адамны джюреги нени кёрюрге сюйсе, кёзю да аны кёрюрге ёч болады.
- Чомарт къолда мал къалмаз.
- Хаухну атма, ёнгкючню сатма.
- Ачлыкъ отха секиртир.
- Сыфатында болмагъаны, суратында болмаз.
- Мухарны эси – ашарыкъда.
- Тели турса – той бузар.
- Акъыллы эркиши атын махтар, акъылсыз эркиши къатынын махтар.
- Ёзденликни джайгъан – джокълукъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Баш – акъыл ючюн, акъылман – халкъ ючюн.
- Къайгъыны сюйген, къайгъы табар.
- Айраннга суу къош, телиге джол бош.
- Кёл ашады да, кеси ашады.
- Джырына кёре эжиую.
- Эртде тургъан бла эртде юйленнген сокъуранмаз.
- Тюз сёз баргъан сууну тыяр.
- Бир абыннган – минг сюрюнюр.
- Ариу сёз джыланны орнундан чыгъарыр.
- Эрине къаргъыш этген къатын, эрнин къабар.
- Таула не мийик болсала да, аууш табылыр.
- Чоюнну башы ачыкъ болса, итге уят керекди.
- Къонагъы джокъну – шоху джокъ.
- Аллахха ийнаннган кишини, Аллах онгдурур ишин.
- Таукел адам тау тешер.
- Ач, тоймам, дейди, тойгъан, ач болмам, дейди.
- Тамырсыз терекге таянма – джыгъылырса.
- Биреуню къыйынлыгъы бла кесинге джол ишлеме.
- Къыйынлы джети элни къайгъысын этер.
- Сакъалы текени да бар, мыйыгъы киштикни да бар.
- Аман адамны тепсинге олтуртсанг, къызынгы тилер.
- Ёлген аслан – сау чычхан.
- Джюрекге ариу – кёзге да ариу.
- Эл ауузу – элия.
- Адам къыйынлыгъын кёлтюрюр, зауукълугъун кёлтюрмез.
- Ишлегенден, къарагъан уста.
- Рысхысына кёре, джаш ёсер, къышлыгъына кёре, мал ёсер.
- Къаллай салам берсенг, аллай джууаб алырса.
- Бермеген къол, алмайды.
- Иесиз малны бёрю ашар.
- От этилмеген джерден тютюн чыкъмайды.
- Сёз сёзню айтдырыр.
- Тенгинг джокъ эсе – изле, бар эсе – сакъла!
- Дуния мал дунияда къалады.
- Шайтан алдады, тюзлюк къаргъады.
- Нарт сёз къарт болмаз.
- Джол бла сёзню къыйыры джокъ.
- Джангыз терек къынгыр ёсер.
- Мухар, кеси тойса да, кёзю тоймаз.
- Адеб джокъда, намыс джокъ.
Профиль
|
|
|||