- Джаз бир кюнню джатсанг, къыш талай кюнню абынырса.
- Бал – татлы, балдан да бала – татлы.
- Билген билмегенни юретген адетди.
- Иги джашны ышаны – аз сёлешиб, кёб тынгылар.
- Эли джокъну – кёлю джокъ.
- Тас болгъан бычакъны сабы – алтын.
- Тойгъанлыкъ къойгъа джарашады.
- Иесиз малны бёрю ашар.
- Ана – юйню кюн джарыгъы.
- Экеу тутушса, биреу джыгъылыр.
- Къарт айтханны этмеген, къартаймаз.
- Аман адам элни бир-бирине джау этер.
- Адебни адебсизден юрен.
- Ханы къызы буюгъа-буюгъа киштик болду.
- Аууз сакълагъан – джан сакълар.
- Къыз чыгъаргъан – къызыл къымжа.
- Арбаз къынгырды да, ийнек сауалмайма.
- Акъыллы эркиши атын махтар, акъылсыз эркиши къатынын махтар.
- Хар сёзню орну барды.
- Миллетни бойну – базыкъ, аны бла кюрешген – джазыкъ.
- Тынгылагъан тынгы бузар.
- Алгъанда – джууукъ, бергенде – джау.
- Къарын къуру болса, джюрек уру болур.
- Тёрени джагъы джокъ.
- Къая джолда джортма, ачыкъ сёзден къоркъма.
- Джерни букъусу кёкге къонмаз.
- Биреуню тёрюнден, кесинги эшик артынг игиди.
- Аманны эки битли тону болур, бирин сеннге кийдирир, бирин кеси киер.
- Айтылгъан буйрукъ, сёгюлмез
- Узун джолну барсанг, бюгюн келирсе, къысха джолну барсанг, тамбла келирсе.
- Джыгъылгъанны сырты джерден тоймаз.
- Гитче джилтин уллу элни джандырыр.
- Ётюрюкню къуйругъу – бир тутум.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эл тойса, тоймагъан, эл къойса, къоймагъан.
- Бозаны арты дауур болур.
- Къолу уллу – асыу, аягъы уллу – джарсыу.
- Ёгюзню мюйюзлери ауурлукъ этмейдиле.
- Ёксюзню къалачы уллу кёрюнюр.
- Джашлыкъ этмеген, башлыкъ этмез.
- Ёлмесенг да, къарт дамы болмазса?
- Ауурну тюбю бла, дженгилни башы бла джюрюген.
- Аз сёлешген, къайгъысыз турур.
- Къарнынг бла ёч алма.
- Душманны тышы – акъ, ичи – къара.
- Тюзлюк тас болмайды.
- Асхат ашлыкъ сата, юйдегиси ачдан къата.
- Къазанда болса, чолпугъа чыгъар.
- Ышармагъан – кюлмез, кюлмеген – къууанчны билмез.
- Эл элде бирер малынг болгъандан эсе, бирер тенгинг болсун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72