- Таш бла ургъанны, аш бла ур.
- Тамбла алтындан бюгюн багъыр ашхы.
- Адам къаллай бир ишленмесе, аллай бир кесин уллу кёреди.
- Хар сёзню орну барды.
- Аман киши кеси юйюнде – къонакъ.
- Эрине къаргъыш этген къатын, эрнин къабар.
- Тили узунну, намысы – къысха.
- Хунаны тюбюн къазсанг, юсюнге ауар.
- Эртде тургъан джылкъычыны эркек аты тай табар.
- Къазанны башы ачыкъ болса, итге уят керекди.
- Ариу сёз джыланны орнундан чыгъарыр.
- Этни да ашады, бетни да ашады.
- Керти сёзге тёре джокъ.
- Иги – алгъыш этер, аман – къаргъыш этер.
- Кёлю джокъну – джолу джокъ.
- Баргъанынга кёре болур келгенинг.
- Кийим тукъум сордурур.
- Алтыда кюлмеген, алтмышда кюлмез.
- Къуру гыбыт бек дыгъырдар.
- Ачны эсинде – аш.
- Алтыннга тот къонмаз.
- Берекет берсин деген джерде, берекет болур.
- Къая джолда джортма, ачыкъ сёзден къоркъма.
- Адамны аманы адамны бети бла ойнар.
- Ёнгкюч къууана барыр, джылай келир.
- Онгсузну – джакъла, тенгликни – сакъла.
- Ауурну тюбю бла, дженгилни башы бла джюрюген.
- Ач бёрюге мекям джокъ.
- Гитче джилтин уллу элни джандырыр.
- Мал тутхан – май джалар.
- Ёлюр джаннга, ёкюл джокъ.
- Кийиминг бла танылма, адамлыкъ бла таныл.
- Айраннга суу къош, телиге джол бош.
- Къызны минг тилер, бир алыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Окъугъан – асыу, окъумагъан – джарсыу.
- Таякъ этден ётер, тил сюекден ётер.
- Аш кетер да бет къалыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Тынгылагъан тынгы бузар.
- Ойнай билмеген, оюн бузар.
- Аман адам элни бир-бирине джау этер.
- Кёпюр салгъан кеси ётер, уру къазгъан кеси кетер.
- Ашхы – джыяр, аман – джояр.
- Къолу уллу – асыу, аягъы уллу – джарсыу.
- Чабакъсыз кёлге къармакъ салгъанлыкъгъа, чабакъ тутмазса.
- Термилгенинги табмазса, кюлгенинге тюберсе.
- Акъыллы айтыр эди, акъылсыз къоймайды.
- Тёрени джагъы джокъ.
- Ауругъан – джашаудан умутчу.
Профиль
|
|
|
|||