- Аман эсирсе, юйюн ояр.
- Ат да турмайды бир териде.
- Кёл – къызбай, къол – батыр.
- Эринчекге кюн узун.
- Ашхы атаны – джашы ашхы, ашхы ананы – къызы ашхы.
- Келлик заман – къартлыкъ келтирир, кетген заман – джашлыкъ ёлтюрюр.
- Хантына кёре тузу, юйюне кёре къызы.
- Сакъламагъан затынга джолукъсанг, не бек къууанаса, не бек ачыйса.
- Джолунга кёре – джюрюшюнг, джагъанга кёре – юлюшюнг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юре билмеген ит, къонакъ келтирир.
- Сууда джау джокъ, кёб сёзде магъана джокъ.
- Тойну къарнашы – харс, джырны къарнашы – эжиу.
- Акъыллы эркиши атын махтар, акъылсыз эркиши къатынын махтар.
- Адеб базарда сатылмаз.
- Чомарт къолда мал къалмаз.
- Аман хансны – урлугъу кёб.
- Кийимни бир кюнню аясанг, минг кюннге джарар.
- Хатерли къул болур.
- Ёлюр джаннга, ёкюл джокъ.
- Ашлыкъны арба юйге келтирир, чана базаргъа элтир.
- Джыгъылгъанны сырты джерден тоймаз.
- Ашхы болсанг, атынг чыгъар, аман болсанг, джанынг чыгъар.
- Элде адам къалмаса, ит тахтагъа минер.
- Ач отунчуну ачыуу – бурнунда.
- Элиб деген, элге болушур.
- Тойгъан джерден туугъан джер игиди.
- Мураты болгъанны джюрек тебюую башхады.
- Къанны къан бла джуума, аманны аман бла къуума.
- Аякъларынгы джууургъанынга кёре узат.
- Адам туугъан джеринде, ит тойгъан джеринде.
- Кюн – узун, ёмюр – къысха.
- Адам къыйынлыгъын кёлтюрюр, зауукълугъун кёлтюрмез.
- Къошда джокъгъа – юлюш джокъ.
- Этни да ашады, бетни да ашады.
- Чёбню кёлтюрсенг, тюбюнден сёз чыгъар.
- Къулакъдан эсе, кёзге ышан.
- Айтхан сёзюне табылгъан.
- Ауузу аманнга «иги», деме.
- Бюгюн дуния кибик, тамбла ахыратды.
- Тойгъанлыкъ къойгъа джарашады.
- Кюн кёрмеген, кюн кёрсе, кюндюз чыракъ джандырыр.
- Айранны сюйген, ийнек тутар.
- Кёб ант этген, кёб ётюрюк айтыр.
- Тилчи бир сагъатха айлыкъ хата этер.
- Чакъырылгъанны аты, чакъырылмагъанны багъасы болур.
- Джумушакъ терекни къурт ашар.
- Джюрек кёзден алгъа кёрюр.
- Аджаллыгъа окъсуз шкок атылыр.
- Джол бла сёзню къыйыры джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72