- Ач къалгъандан, кеч къалгъан къолай.
- Рысхы – насыбха къор.
- Ишлерге уял да, ашаргъа табма.
- Босагъагъа джууукъ орун болса, ашыгъыб тёрге озма.
- Суу да къайтады чыкъгъан джерине.
- Хар зат кесини орнуна иги.
- Джарлы эскисин джамаса, къууаныр.
- Джарашыу сюйген – джалынчакъ.
- Окъугъан озар, окъумагъан тозар.
- Ат да турмайды бир териде.
- Айтхан – тынч, этген – къыйын.
- Окъуусуз билим – джокъ, билимсиз кюнюнг – джокъ.
- Ишлегенден, къарагъан уста.
- Билмегенинги, билгеннге сор.
- Намысы болмагъанны, сыйы болмаз.
- Кёкдеги болмаса, джердегин кёрмейди.
- Джырына кёре эжиую.
- Кюлме джашха – келир башха.
- Экиндини кеч къылсанг, чабыб джетер ашхам.
- Билгенни къолу къарны джандырыр.
- Рысхысына кёре, джаш ёсер, къышлыгъына кёре, мал ёсер.
- Урунуу – насыбны анасы.
- Джол бла сёзню къыйыры джокъ.
- Ойнай билмеген, уруб къачар.
- Баргъанынга кёре болур келгенинг.
- Ата Джуртча джер болмаз, туугъан элча эл болмаз.
- Тюзню ётмеги тюзде къалса да, тас болмаз.
- Адамны сыфатына къарама, сёзюне къара.
- Таукел адам тау тешер.
- Мадар болса, къадар болур.
- Кёбге таш атма.
- Телини эшигин, махтау джабар.
- Адам сёзге тынгыла, акъыл сёзню ангыла.
- Кийим тукъум сордурур.
- Къулакъдан эсе, кёзге ышан.
- Дуния малгъа сатылма, кесингден телиге къатылма.
- Билеги кючлю, бирни джыгъар, билими кючлю, мингни джыгъар.
- Ауругъан – джашаудан умутчу.
- Окъугъанны бети джарыкъ.
- Эки элинги тыйсанг, джети элде махталырса.
- Башсыз урчукъ тюзюне айланмаз.
- Аманны тукъумуна къарама, игини тукъумун сорма.
- Тамбла алтындан бюгюн багъыр ашхы.
- Байлыкъ адамны сокъур этер.
- Билимсиз иш бармаз.
- Аман къатын алгъан, арыр, иги къатын алгъан джарыр.
- Этни да ашады, бетни да ашады.
- Ашлыкъны арба юйге келтирир, чана базаргъа элтир.
- Айранын берсенг, челегин да къызгъанма.
- Таш бла ургъанны, аш бла ур.
Профиль
|
|
|
|||