- Чакъырылгъанны аты, чакъырылмагъанны багъасы болур.
- Экиндини кеч къылсанг, чабыб джетер ашхам.
- Ёнгкюч къууана барыр, джылай келир.
- Ана – юйню кюн джарыгъы.
- Тин – байлыгъынг, терен саулугъунг.
- Этим кетсе да, сюегим къалыр.
- Рысхы джалгъанды: келген да этер, кетген да этер.
- Ачыу алгъа келсе, акъыл артха къалады.
- Тенгинг джокъ эсе – изле, бар эсе – сакъла!
- Тай асырагъан, атха минер.
- Кёбге таш атма.
- Биреу къой излей, биреу той излей.
- Хар адамгъа кеси миннген тау кибик.
- Ким бла джюрюсенг, аны кёзю бла кёрюнюрсе.
- Ауругъан – джашаудан умутчу.
- Къонакъ хазыр болгъанлыкъгъа, къонакъбай хазыр тюлдю.
- Ашатыргъа иш – ашхы, ишлетирге аш – ашхы.
- Адамны джюреги нени кёрюрге сюйсе, кёзю да аны кёрюрге ёч болады.
- Джолда аягъынга сакъ бол, ушакъда тилинге сакъ бол.
- Акъыллы – эл иеси, тели – эл баласы.
- Башда акъыл болмаса, эки аякъгъа кюч джетер.
- Хаухну атма, ёнгкючню сатма.
- Игиге айтсанг – билир, аманнга айтсанг – кюлюр.
- Билмезни кёзю кёрмез, этмезни къулагъы эшитмез.
- Арпа, будай – ащды, алтын, кюмюш а – ташды.
- Сабий болмагъан джерде, мёлек болмаз.
- Келинин тута билмеген, къул этер, къызын тута билмеген, тул этер.
- Уруну арты – къуру.
- Адебни адебсизден юрен.
- Тамырсыз терекге таянма – джыгъылырса.
- Рысхы – насыбха къор.
- Бети бедерден, намыс сакълама.
- Эм уллу байлыкъ – джан саулукъ.
- Окъуу – билимни ачхычы, окъуу – дунияны бачхычы.
- Чомартха Тейри да борчлуду.
- Тау башында, тау болмаз, джангыз терек, бау болмаз.
- Ашха уста, юйюнде болсун
- Къайгъы тюбю – тенгиз.
- Кирсизни – саны таза, халалны – къаны таза.
- Термилгенинги табмазса, кюлгенинге тюберсе.
- Чабакъсыз кёлге къармакъ салгъанлыкъгъа, чабакъ тутмазса.
- Ётюрюкден тюбю джокъ, кёлтюрюрге джиби джокъ.
- Джарлыны тону джаз битер.
- Этни бети бла шорпасы.
- Къарт бла баш аша, джаш бла аякъ аша.
- Ана къолу ачытмаз.
- Тил – кесген бычакъ, сёз – атылгъан окъ.
- Аллахдан тилесенг, кёб тиле.
- Агъач – джерни чырайы, кийим – эрни чырайы.
- Къарнынг къанлынга кийирир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72