- Тойчу джашха къарама, къойчу джашха къара.
- Аш иеси бла татлыды.
- Аз айтсам, кёб ангылагъыз.
- Ата Джуртун танымагъан, атасын да танымаз.
- Сескекли кесин билдирир.
- Экеу тутушса, биреу джыгъылыр.
- Ауругъан – джашаудан умутчу.
- Ана – юйню кюн джарыгъы.
- Тилде сюек болмаса да, сюек сындырыр.
- Джети тилни билген джети кишиди.
- Эрине къаргъыш этген къатын, эрнин къабар.
- Ариу сёз джыланны орнундан чыгъарыр.
- Хар ишни да аллы къыйынды.
- Байны къызы баймакъ болса да, юйде къалмаз!
- Малны кют, джерни тюрт.
- Ёгюзню мюйюзюнден тутадыла, адамны сёзюнден тутадыла.
- Джолунга кёре – джюрюшюнг, джагъанга кёре – юлюшюнг.
- Аякъларынгы джууургъанынга кёре узат.
- Уллу къазанда бишген эт, чий къалмаз.
- Тик ёргени, тик энгишгеси да болады.
- Аууздан келген, къолдан келсе, ким да патчах болур эди.
- Къошда джокъгъа – юлюш джокъ.
- Бал ашаргъа сюе эсенг, чибин ургъаннга тёз.
- Чабакъ башындан чирийди.
- Джумушакъ сёз къаты таякъны сындырыр.
- Ашыкъгъан cуу, тенгизге джетмез.
- Къыз келсе, джумуш эте келеди, къатын келсе, ушакъ эте келеди.
- Адам сёзюнден белгили.
- Ойнай-ойнай кёз чыгъар.
- Адеб базарда сатылмаз.
- Джигер – джаннга къыйынлыкъ.
- Къыз чыгъаргъан – къызыл къымжа.
- Билим къая тешер.
- Таукел адам тау тешер.
- Бети бедерден, намыс сакълама.
- Ашатыргъа иш – ашхы, ишлетирге аш – ашхы.
- Ёлюк кебинсиз къалмаз.
- Билимли ёлмез, билимсиз кёрмез.
- Кюн – узун, ёмюр – къысха.
- Мал ёлсе, сюек къалыр, адам ёлсе, иши къалыр.
- Келгинчи, къонакъ уялыр, келгенден сора, къонакъбай уялыр.
- Ишлерге уял да, ашаргъа табма.
- Ауругъаннга – кийик саулукъ, джетген къызгъа – чилле джаулукъ.
- Бир абыннган – минг сюрюнюр.
- Къарнынг ауруса, ауузунгу тый
- Аджал соруб келмез, келсе, къайтыб кетмез.
- Эри аманны, къатыны – аман.
- Къонакъ аман болса, къонакъбай джунчур
- Чакъырылмагъан къонакъ – орунсуз.
- Адебни адебсизден юрен.
Профиль
|
|
|
|||