- Ауузу аманнга «иги», деме.
- Эски джаугъа ышанма.
- Рысхы джалгъанды: келген да этер, кетген да этер.
- Тёрде – темир таякълы, къаяда – чыпчыкъ аякълы.
- Рысхысына кёре, джаш ёсер, къышлыгъына кёре, мал ёсер.
- Малны кют, джерни тюрт.
- Ойнай билмеген, уруб къачар.
- Къая джолда джортма, ачыкъ сёзден къоркъма.
- Иши джокъну, сыйы джокъ.
- Алтыда кюлмеген, алтмышда кюлмез.
- Джырчы ёлсе, джыры къалыр.
- Мухардан ач ычхынмаз.
- Къартны бурнун сюрт да, оноугъа тут.
- Тюзлюк тас болмайды.
- Кюн – узун, ёмюр – къысха.
- Игиге айтсанг – билир, аманнга айтсанг – кюлюр.
- Биреу къой излей, биреу той излей.
- Ариу джол аджал келтирмез.
- Ауругъанны сау билмез, ач къарынны токъ билмез.
- Эртде тургъан бла эртде юйленнген сокъуранмаз.
- Акъыллы эркиши атын махтар, акъылсыз эркиши къатынын махтар.
- Ишленмеклик адамлыкъды.
- Сагъышы джокъ – джукъучу, акъылы джокъ – къаугъачы.
- Мал ёлсе, сюек къалыр, адам ёлсе, иши къалыр.
- Иесиз малны бёрю ашар.
- Бастасын ашагъан, хантусун да ичер.
- Хунаны тюбюн къазсанг, юсюнге ауар.
- Атынг аманнга чыкъгъандан эсе, джанынг тамагъынгдан чыкъсын.
- Къанны къан бла джуума, аманны аман бла къуума.
- Таукел адам тау тешер.
- Биреуню тёрюнден, кесинги эшик артынг игиди.
- Чомартны къолу берекет.
- Бал чибинни ургъаны – ачы, балы – татлы.
- Джол бла сёзню къыйыры джокъ.
- Таукел тауну аудурур.
- Ойнай билмеген, оюн бузар.
- Ашыкъгъан cуу, тенгизге джетмез.
- Душманны тышы – акъ, ичи – къара.
- Сёлеш деб шай берген, тохта деб, сом берген.
- Ёнгкюч къууана барыр, джылай келир.
- Аллахха ийнаннган кишини, Аллах онгдурур ишин.
- Эри аманны, къатыны – аман.
- Аджалсыз ёлюм болмаз.
- Бир абыннган – минг сюрюнюр.
- Сабий кёргенин унутмаз.
- Сёз садакъдан кючлюдю.
- Джаш болсун, къыз болсун, акъылы, саны тюз болсун.
- Джангыз торгъай джырламаз.
- Таш ата билмеген, башына урур.
- Джюрекге ариу – кёзге да ариу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72