- Таукел адам тау тешер.
- Чакъырылмай келген къонакъ сыйланмай кетер.
- Акъдан къара болмаз.
- Суу ичген шауданынга тюкюрме.
- Рысхы джалгъанды: келген да этер, кетген да этер.
- Борчунг бар эсе, хурджунунга ойлаб узал.
- Ачны эсинде – аш.
- Айтылгъан буйрукъ, сёгюлмез
- Этни бети бла шорпасы.
- Джырына кёре эжиую.
- Дуния мал дунияда къалады.
- Терек ауса, отунчу – кёб.
- Аманны эки битли тону болур, бирин сеннге кийдирир, бирин кеси киер.
- Ач да бол, токъ да бол – намысынга бек бол.
- Ойнай-ойнай кёз чыгъар.
- Киштикге къанат битсе, чыпчыкъ къалмаз эди.
- Экеулен сёлеше тура эселе, орталарына барыб кирме.
- Джюрек кёзден алгъа кёрюр.
- Къыз чыгъаргъан – къызыл къымжа.
- Билими азны – ауузунда кирит.
- Къолунгдан къуймакъ ашатсанг да, атаны борчундан къутулмазса.
- Атадан ёксюз – бир ёксюз, анадан ёксюз – эки ёксюз.
- Этек чакъмакълары баш джаргъан, сёлешген сёзлери таш джаргъан.
- Билмезни кёзю кёрмез, этмезни къулагъы эшитмез.
- Къыйынлы джети элни къайгъысын этер.
- Байдан умут эте, джарлыдан ёгюз багъасы къорады.
- Тик ёргени, тик энгишгеси да болады.
- Окъ къызбайны джокълайды.
- Тамбла алтындан бюгюн багъыр ашхы.
- Зар адамны насыбы болмаз.
- Джумушакъ сёз къаты таякъны сындырыр.
- От кюйдюрген, сау болса да, тот кюйдюрген, сау болмаз.
- Аманнга игилик этсенг, юйюнге сау бармазса.
- Кёл – къызбай, къол – батыр.
- Ишлерге уял да, ашаргъа табма.
- Телини эшигин, махтау джабар.
- Юреннген ауруу къалмаз.
- Таш бла ургъанны, аш бла ур.
- Ачлыкъ отха секиртир.
- Элни кючю – эмеген.
- Ёгюзню мюйюзюнден тутадыла, адамны сёзюнден тутадыла.
- Тёзген – тёш ашар!
- Аз айтсам, кёб ангылагъыз.
- Ата – билек, ана – джюрек!
- Баш болса, бёрк табылыр.
- Чабакъгъа акъыл, табагъа тюшсе келеди.
- Къарнынг бла ёч алма.
- Джаралыны джастыгъында сау ёлюр.
- Кёл ашады да, кеси ашады.
- Башы джабылгъан челекге, кир тюшмез.
Профиль
|
|
|||