- Аякъларынгы джууургъанынга кёре узат.
- Тёзгеннге, джабылгъан эшик ачылыр.
- Ауругъанны сау билмез, ач къарынны токъ билмез.
- Иги сёз – джаннга азыкъ, аман сёз башха – къазыкъ.
- Бек анасы джыламаз.
- Къонакъ аман болса, къонакъбай джунчур
- Къууут – джелге, берне – бошха.
- Мураты болгъанны джюрек тебюую башхады.
- Адеби болмагъан къыз – тузсуз хант.
- Баргъанынга кёре болур келгенинг.
- Акъыл аздырмаз, билим тоздурмаз.
- Халкъны джырын джырласанг, халкъ санга эжиу этер.
- Ишлемеген – тишлемез.
- Къоркъакъны кёзю экили кёрюр.
- Айтхан сёзюне табылгъан.
- Айыбны суу бла джууалмазса.
- Ач, тоймам, дейди, тойгъан, ач болмам, дейди.
- Ауузу бла къуш тута айланады.
- Аш берме да, къаш бер.
- Къаллай салам берсенг, аллай джууаб алырса.
- Ишни ахырын ойламай, аллын башлама.
- Зар адамны насыбы болмаз.
- Халкъгъа джарагъан, джарлы къалмаз.
- Джуртун къоругъан озар.
- Джарлыны тону джаз битер.
- Джашны джигитлиги сорулур, къызны джигерлиги сорулур.
- Кёзюнде тереги болгъан, чёбю болгъаннга кюле эди.
- Джырчы ёлсе, джыры къалыр.
- Малны кют, джерни тюрт.
- Тай асырагъан, атха минер.
- Юйюнгден чыкъдынг – кюнюнгден чыкъдынг.
- Таула не мийик болсала да, аууш табылыр.
- Джаш болсун, къыз болсун, акъылы, саны тюз болсун.
- Къонагъы джокъну – шоху джокъ.
- Акъыллы башны – тили къысха.
- Тик ёргени, тик энгишгеси да болады.
- Абынмазлыкъ аякъ джокъ, джангылмазлыкъ джаякъ джокъ.
- Аман къатын алгъан, арыр, иги къатын алгъан джарыр.
- Кюлме джашха – келир башха.
- Урама да – ёледи, сатама да – келеди.
- Соргъан айыб тюлдю, билмеген айыбды.
- Адамны сабийин сюйген джюреги, бычакъча, джитиди.
- Аманны къуугъан, аманлыкъ табар.
- Джаз бир кюнню джатсанг, къыш талай кюнню абынырса.
- Джылыгъа джылан илешир.
- Юреннген ауруу къалмаз.
- Аз сёлешген, къайгъысыз турур.
- Башда акъыл болмаса, эки аякъгъа кюч джетер.
- Кёрмегеннге кебек – танг, битмегеннге сакъал – танг.
- Айырылгъанланы айю ашар, бёлюннгенлени бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72