- Къайгъыны сюйген, къайгъы табар.
- Бет бетге къараса, бет да джерге къарар.
- Сескекли кесин билдирир.
- Татлы тилде – сёз ариу, чемер къолда – иш ариу.
- Атынг аманнга чыкъгъандан эсе, джанынг тамагъынгдан чыкъсын.
- Адам туугъан джеринде, ит тойгъан джеринде.
- Билим насыб берир, билим джолну керир.
- Сагъышы джокъ – джукъучу, акъылы джокъ – къаугъачы.
- Акъыллы эркиши атын махтар, акъылсыз эркиши къатынын махтар.
- Кёб джашагъан – кёб билир.
- Башы джабылгъан челекге, кир тюшмез.
- Кимни – тили, тиши онглу, кимни – къолу, иши онглу.
- Нарт сёз – тилни бети.
- Тас болгъан бычакъны сабы – алтын.
- Киштикге къанат битсе, чыпчыкъ къалмаз эди.
- Джюрек кёзден алгъа кёрюр.
- Хар зат кесини орнуна иги.
- Кюл тюбюндеги от кёрюнмейди.
- Акъыл бла адеб эгизледиле.
- Ариу сёз джыланны орнундан чыгъарыр.
- Халкъны юйю – туугъан джери.
- Эски джаугъа ышанма.
- Кёзню ачылгъаны – иги, ауузну джабылгъаны – иги.
- Гугук кесини атын айтыб къычыргъанча, мен, мен деб нек тураса?
- Ашхы болсанг, атынг чыгъар, аман болсанг, джанынг чыгъар.
- Агъач – джерни чырайы, кийим – эрни чырайы.
- Тойгъа барсанг, тоюб бар, эски тонунгу къоюб бар.
- Адамны артындан къара сабан сюрме.
- Магъанасыз сёз – тауушсуз сыбызгъы.
- Джаз бир кюнню джатсанг, къыш талай кюнню абынырса.
- Чомартха Тейри да борчлуду.
- Тулпарлыкъ, билекден тюл – джюрекден.
- Мени джылытмагъан кюн, меннге тиймесин!
- Бир абыннган – минг сюрюнюр.
- «Ма», - дегенни билмесенг, «бер», - дегенни билмезсе.
- Къонакъ хазыр болгъанлыкъгъа, къонакъбай хазыр тюлдю.
- Эл бла кёргенинг эрелей.
- Ач – эснер, ат – кишнер.
- Аууздан келген, къолдан келсе, ким да патчах болур эди.
- Итли къонакъ джарашмаз.
- Ариу джол аджал келтирмез.
- Эки элинги тыйсанг, джети элде махталырса.
- Кесинг сынамагъан затны, адамгъа буюрма.
- Мадар болса, къадар болур.
- Къобан да къуру да къобханлай турмайды, адам да къуру да патчахлай турмайды.
- Кесине гебен этелмеген, биреуге черен эте эди.
- Ашхы адам – халкъ байлыгъы, ашхы джер – джашау байлыгъы.
- Тил джюрекге джол ишлейди.
- Бермеген къол, алмайды.
- Халкъгъа джарагъан, джарлы къалмаз.
Профиль
|
|
|||