- Билеги кючлю, бирни джыгъар, билими кючлю, мингни джыгъар.
- Байлыкъ келсе, акъыл кетер.
- Келинин тута билмеген, къул этер, къызын тута билмеген, тул этер.
- Къууут – джелге, берне – бошха.
- Гырджын – тепсини тамадасы.
- Намыс болмагъан джерде, насыб болмаз.
- Ач да бол, токъ да бол – намысынга бек бол.
- Аш иеси бла татлыды.
- Эки элинги тыйсанг, джети элде махталырса.
- Тин – байлыгъынг, терен саулугъунг.
- Тойгъан джерге джети къайт.
- Кёб ант этген, кёб ётюрюк айтыр.
- Ач къалгъандан, кеч къалгъан къолай.
- Адебни адебсизден юрен.
- Иги джашны ышаны – аз сёлешиб, кёб тынгылар.
- Телиге акъыл салгъандан эсе, ёлгеннге джан салырса.
- Къуру гыбыт бек дыгъырдар.
- Этек чакъмакълары баш джаргъан, сёлешген сёзлери таш джаргъан.
- Эрине къаргъыш этген къатын, эрнин къабар.
- Акъылсызны джууукъгъа алма, акъыллыны кенгнге салма.
- Окъ къызбайны джокълайды.
- Эрни эр этерик да, къара джер этерик да, тиширыуду.
- Адамны бетине къарама, адетине къара.
- Атлыны ашхысы, ат тизгининден билинир
- Арпа, будай – ащды, алтын, кюмюш а – ташды.
- Окъуу – билимни ачхычы, окъуу – дунияны бачхычы.
- Чакъырылмагъан къонакъ тёрге атламаз.
- Тойгъан антын унутур.
- Таула не мийик болсала да, аууш табылыр.
- Адамны джюреги нени кёрюрге сюйсе, кёзю да аны кёрюрге ёч болады.
- Адамны аты башхача, акъылы да башхады.
- Джумушакъ сёз къаты таякъны сындырыр.
- Таукел тауну аудурур.
- Къарнынг къанлынга кийирир.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашлыкъ – бюртюкден, джюн – тюкден.
- Бозанг болмагъан джерге, къалагъынгы сукъма.
- Къарнынг тойгъунчу аша да, белинг талгъынчы ишле.
- Айныгъанлы алты кюн, тогъайгъанлы тогъуз кюн.
- Джыгъылгъанны сырты джерден тоймаз.
- Ачлыкъда тары гырджын халыуадан татлы.
- Онгсузну – джакъла, тенгликни – сакъла.
- Ёксюзню тилеги къабыл болур.
- Иги адам абынса да, джангылмаз.
- Ышармагъан – кюлмез, кюлмеген – къууанчны билмез.
- Бичгенде ашыкъма, тикгенде ашыкъ.
- Сабийликде юретмесенг, уллу болса – тюзелмез.
- Термилгенинги табмазса, кюлгенинге тюберсе.
- Уллу къашыкъ эрин джыртар.
- Адамны артындан къара сабан сюрме.
Профиль
|
|
|
|||