- Тойгъан антын унутур.
- Шапа кёб болса, аш татымсыз болур.
- Намысы джокъну – дуниясы джокъ.
- Джылкъыдан – ат чыгъар, тукъумдан – джаш чыгъар.
- Айраннга суу къош, телиге джол бош.
- Тойчу джашха къарама, къойчу джашха къара.
- Келгинчи, къонакъ уялыр, келгенден сора, къонакъбай уялыр.
- Аманнга алтын чыдамаз.
- Юй ишлеген балта эшикде къалыр.
- Джырына кёре эжиую.
- Эл бла кёргенинг эрелей.
- Джумушакъ терекни къурт ашар.
- Баш – акъыл ючюн, акъылман – халкъ ючюн.
- Ариу – кёзге, акъыл – джюрекге.
- Айранын берсенг, челегин да къызгъанма.
- Тили узунну, намысы – къысха.
- Ишленмеген джаш – джюгенсиз ат, ишленмеген къыз – тузсуз хант.
- Джаш болсун, къыз болсун, акъылы, саны тюз болсун.
- Аууз сакълагъан – джан сакълар.
- Джылыгъа джылан илешир.
- Чакъырылмагъан къонакъ – орунсуз.
- Ашхы сёз таш тешер.
- Бир абыннган – минг сюрюнюр.
- Айтылгъан буйрукъ, сёгюлмез
- Ёлген ийнек сютлю болур.
- Адам къаллай бир ишленмесе, аллай бир кесин уллу кёреди.
- Сабийликде юретмесенг, уллу болса – тюзелмез.
- Кеси юйюмде мен да ханма.
- Элге къуллукъ этмеген, элге ие болмаз.
- Къуллукъчума, деб махтанма, къуллукъ – хаух джамчыды!
- Акъыл аздырмаз, билим тоздурмаз.
- Адамны сыфатына къарама, сёзюне къара.
- Ашарыкъда сайлагъаннга – чий гырджын.
- Адам туугъан джеринде, ит тойгъан джеринде.
- Адеб джокъда, намыс джокъ.
- Таякъ этден ётер, тил сюекден ётер.
- Арыгъан къош чамчы болур.
- Телиге акъыл салгъандан эсе, ёлгеннге джан салырса.
- Элде адам къалмаса, ит тахтагъа минер.
- Юйлю уругъа ит чабмаз.
- Къатын байлыкъны сюер, эр саулукъну сюер.
- Ат да турмайды бир териде.
- Садакъачыны джаны – къапчыгъында.
- Аш берме да, къаш бер.
- Ач, тоймам, дейди, тойгъан, ач болмам, дейди.
- Биреуню къыйынлыгъы бла кесинге джол ишлеме.
- Эртде тургъан джылкъычыны эркек аты тай табар.
- Башы джабылгъан челекге, кир тюшмез.
- Ариу сёз – къылычдан джити.
- Суу да къайтады чыкъгъан джерине.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72