- Тёрдеги кюлсе, эшикдеги ышарыр.
- Джаным-тиним – окъуу, билим.
- Сакъламагъан затынга джолукъсанг, не бек къууанаса, не бек ачыйса.
- Рысхысына кёре, джаш ёсер, къышлыгъына кёре, мал ёсер.
- Къазанда болса, чолпугъа чыгъар.
- Аууздан келген, къолдан келсе, ким да патчах болур эди.
- Къыз келсе, джумуш эте келеди, къатын келсе, ушакъ эте келеди.
- Ата Джуртуму башы болмасам да, босагъасында ташы болайым.
- Къарнынг къанлынга кийирир.
- Ётюрюкчюню шагъаты – къатында.
- Тил – кесген бычакъ, сёз – атылгъан окъ.
- Акъыл къартда, джашда тюйюлдю – башдады.
- Билген билмегенни юретген адетди.
- Рысхы джалгъанды: келген да этер, кетген да этер.
- Ишлемеген – тишлемез.
- Аман адамны тепсинге олтуртсанг, къызынгы тилер.
- Джолда аягъынга сакъ бол, ушакъда тилинге сакъ бол.
- Бети – къучакълар, джюреги – бычакълар.
- Эртде тургъан джылкъычыны эркек аты тай табар.
- Мал тутхан – май джалар.
- Мухар, кеси тойса да, кёзю тоймаз.
- Тюз сёз баргъан сууну тыяр.
- Халкъны юйю – туугъан джери.
- Эки элинги тыйсанг, джети элде махталырса.
- Узун джолну барсанг, бюгюн келирсе, къысха джолну барсанг, тамбла келирсе.
- Биреу ашаб къутулур, биреу джалаб тутулур.
- Бек ашыкъгъан меннге джетсин, дегенди аракъы.
- Сагъыш – къартлыкъгъа сюйюмчю.
- Юй кюйдю да, кюйюз чыкъды, ортасындан тюйюш чыкъды.
- Ач отунчуну ачыуу – бурнунда.
- Элни кючю – эмеген.
- Айранын берсенг, челегин да къызгъанма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёл ашады да, кеси ашады.
- Ачыу алгъа келсе, акъыл артха къалады.
- Ариу джол аджал келтирмез.
- Тилсиз миллет джокъ болур.
- Кёз – сюйген джерде, къол – ауругъан джерде.
- Экиндини кеч къылсанг, чабыб джетер ашхам.
- Аджалсыз ёлюм болмаз.
- Кёлю джокъну – джолу джокъ.
- Борчунг бар эсе, хурджунунга ойлаб узал.
- Иги адамны бир сёзю эки болмаз.
- Аякъларынгы джууургъанынга кёре узат.
- «Ма», - дегенни билмесенг, «бер», - дегенни билмезсе.
- Ашын ашагъанынгы, башын да сыйла.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билмегенинги, билгеннге сор.
- Азыкълы ат арымаз, къатыны аман джарымаз.
- Тенгинг джокъ эсе – изле, бар эсе – сакъла!
Профиль
|
|
|||