- Туз, гырджын аша, тюзлюк бла джаша.
- Адам сёзюнден белгили.
- Атадан ёксюз – бир ёксюз, анадан ёксюз – эки ёксюз.
- Таукелге нюр джауар.
- Эрни эр этерик да, къара джер этерик да, тиширыуду.
- Дууулдаса – бал чибин, къонса – къара чибин.
- Насыб бютеу халкъны юлюшюдю.
- Экиндини кеч къылсанг, чабыб джетер ашхам.
- Бети къызарыучу адамны, джюреги харам болмаз.
- Ишин билген, аны сыйын чыгъарады.
- Эл элде бирер малынг болгъандан эсе, бирер тенгинг болсун.
- Хатерли къул болур.
- Битмегеннге сакъал – танг.
- Зар адамны насыбы болмаз.
- Кёб джат да, бек чаб.
- Ёзденликни джайгъан – джокълукъ.
- Тойгъан джерге джети къайт.
- Ишни аллы бла къууанма да, арты бла къууан.
- Бал – татлы, балдан да бала – татлы.
- Сабийликде юретмесенг, уллу болса – тюзелмез.
- Накъырданы арты керти болур.
- Акъыл неден да кючлюдю.
- Садакъачыны джаны – къапчыгъында.
- Уллу сёлешме да, уллу къаб.
- Башынга джетмегенни сорма.
- Гугук кесини атын айтыб къычыргъанча, мен, мен деб нек тураса?
- Ёлюк кебинсиз къалмаз.
- Ашхы болсанг, атынг чыгъар, аман болсанг, джанынг чыгъар.
- Кёзден кетген, кёлден да кетеди.
- Джарашыу сюйген – джалынчакъ.
- Тюзню ётмеги тюзде къалса да, тас болмаз.
- Аллахха ийнаннган кишини, Аллах онгдурур ишин.
- Джырына кёре эжиую.
- Джыйырма къойну юч джыйырма эбзе кюте эди.
- Ёгюзню мюйюзюнден тутадыла, адамны сёзюнден тутадыла.
- Нёгерсизни джолу узун.
- Мухарны эси – ашарыкъда.
- Сабий болмагъан джерде, мёлек болмаз.
- Чакъырылгъанны аты, чакъырылмагъанны багъасы болур.
- Хар зат кесини орнуна иги.
- Айныгъанлы алты кюн, тогъайгъанлы тогъуз кюн.
- Тил – кесген бычакъ, сёз – атылгъан окъ.
- Тынгылагъан тынгы бузар.
- Шапа кёб болса, аш татымсыз болур.
- Билим – акъылны чырагъы.
- Уруну арты – къуру.
- Джангызны оту джарыкъ джанмаз!
- Иги сёз – джаннга азыкъ, аман сёз башха – къазыкъ.
- Ариуну – ауруу кёб.
- Адебни адебсизден юрен.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72