- Джыйырма къойну юч джыйырма эбзе кюте эди.
- Айран тёгюлсе, джугъусу къалыр.
- Джангыз терек къынгыр ёсер.
- Борчунг бар эсе, хурджунунга ойлаб узал.
- Тау башында, тау болмаз, джангыз терек, бау болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Мадар болса, къадар болур.
- Ашхылыкъ джерде джатмайды, аманлыкъ суугъа батмайды.
- Юйюнгден чыкъдынг – кюнюнгден чыкъдынг.
- Агъач – джерни чырайы, кийим – эрни чырайы.
- Элни кючю – эмеген.
- Терек ауса, отунчу – кёб.
- Башы джабылгъан челекге, кир тюшмез.
- Тенгинг джокъ эсе – изле, бар эсе – сакъла!
- Ётюрюкчюню шагъаты – къатында.
- Ишни аллы бла къууанма да, арты бла къууан.
- Насыблы элин сюер, насыбсыз кесин сюер.
- Тиширыусуз юй – отсуз от джагъа.
- Экиндини кеч къылсанг, чабыб джетер ашхам.
- Адамны бетине къарама, адетине къара.
- От этилмеген джерден тютюн чыкъмайды.
- Окъуу – билимни ачхычы, окъуу – дунияны бачхычы.
- Эки итни арасына сюек атма, эки адамны арасында сёз чыгъарма.
- Тил джюрекге джол ишлейди.
- Дуния аламаты сен эсенг да, игиме деб айтма.
- Аман адам элни бир-бирине джау этер.
- Ёлген эшек бёрюден къоркъмайды.
- Акъыллы башны – тили къысха.
- Джаханимни кёрмей, джандетге кёл салмазса.
- Аз айтсам, кёб ангылагъыз.
- Кёзню ачылгъаны – иги, ауузну джабылгъаны – иги.
- Адеб этмеген, адеб кёрмез.
- Къазанда болса, чолпугъа чыгъар.
- Ашхы сёз таш тешер.
- Хар зат кесини орнуна иги.
- Билим ат болуб да чабар, къуш болуб да учар.
- Ишин билген, аны сыйын чыгъарады.
- Джети тилни билген джети кишиди.
- Ишлерге уял да, ашаргъа табма.
- Биреуге аманлыкъны тилеме да, кесинге ашхылыкъны тиле.
- Керек ташны ауурлугъу джокъ.
- Билим къая тешер.
- Биреу къой излей, биреу той излей.
- Къайтырыкъ эшигинги, къаты уруб чыкъма.
- Мен да «сен», дейме, сен да «кесим», дейсе.
- Аш кетер да бет къалыр.
- Баш болса, бёрк табылыр.
- Сагъышы джокъ – джукъучу, акъылы джокъ – къаугъачы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ётген ёмюр – акъгъан суу.
Профиль
|
|
|
|||