Эльбрусоид :: Форум :: Архив форумов

Иги сеники эсе да, сюйген кесимикин этеме.
Танг атмайма десе да, кюн къоярыкъ тюйюлдю.
Хар ишни да аллы къыйынды.
Татлы тилде – сёз ариу, чемер къолда – иш ариу.
Тамбла алтындан бюгюн багъыр ашхы.
Ашына кёре табагъы, балына кёре къалагъы.
Чомарт къолда мал къалмаз.
Акъыл къартда, джашда тюйюлдю – башдады.
Ойнаб айтсанг да, эслеб айт.
Намысы джокъну – дуниясы джокъ.
Джашда акъыл джокъ, къартда къарыу джокъ.
Мураты болгъанны джюрек тебюую башхады.
Аманнга да, игиге да оноусуз къатышма.
Терслик кетер, тюзлюк джетер.
Тойгъан джерге джети къайт.
Ёпкелегенни ашы татлы болады.
Битмегеннге сакъал – танг.
Арыгъан къош чамчы болур.
Кёб къычыргъандан – къоркъма, тынч олтургъандан – къоркъ.
Къозулугъунда тоймагъан, къойлугъунда тоймаз.
Джарлы тюеге минсе да, ит къабар.
Эр сокъур болсун, къатын тилсиз болсун.
Джылар джаш, атасыны сакъалы бла ойнар.
Кёбден умут этиб, аздан къуру къалма.
Дуния малгъа сатылма, кесингден телиге къатылма.
Чомартны къолун джокълукъ байлар.
Ойнай-ойнай кёз чыгъар.
Эрине къаргъыш этген къатын, эрнин къабар.
Билимден уллу байлыкъ джокъду.
Ышармагъан – кюлмез, кюлмеген – къууанчны билмез.
Сабий болмагъан джерде, мёлек болмаз.
Адамны адамлыгъы къыйынлыкъда айгъакъланады.
Эркишини аманы тиширыуну джылатыр.
Къалгъан ишге къар джауар.
Арбаз къынгырды да, ийнек сауалмайма.
Ашхы сёз таш тешер.
Ауузу бла къуш тута айланады.
Эл элде бирер малынг болгъандан эсе, бирер тенгинг болсун.
Акъылсызны джууукъгъа алма, акъыллыны кенгнге салма.
Халкъны юйю – туугъан джери.
Булут кёкге джарашыу, уят бетге джарашыу.
Иги – алгъыш этер, аман – къаргъыш этер.
Кёзюнде тереги болгъан, чёбю болгъаннга кюле эди.
Ишленмеген джаш – джюгенсиз ат, ишленмеген къыз – тузсуз хант.
Къатын байлыкъны сюер, эр саулукъну сюер.
Ётюрюкню башын керти кесер.
Окъуу – билимни ачхычы, окъуу – дунияны бачхычы.
Адам къыйынлыгъын кёлтюрюр, зауукълугъун кёлтюрмез.
Кюл тюбюндеги от кёрюнмейди.
Магъанасыз сёз – тауушсуз сыбызгъы.

Логин:
Пароль:
	Запомнить меня на этом компьютере

Забыли свой пароль?
Регистрация