- Тёрени джагъы джокъ.
- Джан саулукъ бермей, сан саулукъ бермезсе.
- Ауузу аманнга «иги», деме.
- Биреуню тёрюнден, кесинги эшик артынг игиди.
- Ишленмеклик адамлыкъды.
- Чакъырылмагъан къонакъ – орунсуз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ариу сёз – къылычдан джити.
- Кеси юйюмде мен да ханма.
- Юй ишлеген балта эшикде къалыр.
- Ачлыкъда тары гырджын халыуадан татлы.
- Таукелге нюр джауар.
- Аз айтсам, кёб ангылагъыз.
- Айтхан сёзюне табылгъан.
- Джиби бир къат джетмей эди да, эки къат тарта эди.
- Сёлеш деб шай берген, тохта деб, сом берген.
- Намысы джокъну – дуниясы джокъ.
- Къуру гыбыт бек дыгъырдар.
- Къонакъ хазыр болгъанлыкъгъа, къонакъбай хазыр тюлдю.
- Сабыр джетер муратха, сабырсыз къалыр уятха.
- Аууздан келген, къолдан келсе, ким да патчах болур эди.
- Ашатыргъа иш – ашхы, ишлетирге аш – ашхы.
- Джюрекден джюрекге джол барды.
- Эл тойса, тоймагъан, эл къойса, къоймагъан.
- Джарлы тюеге минсе да, ит къабар.
- Тас болгъан бычакъны сабы – алтын.
- Мураты болгъанны джюрек тебюую башхады.
- Ёлюк кебинсиз къалмаз.
- Кёрмегеннге кебек – танг, битмегеннге сакъал – танг.
- Мухардан ач ычхынмаз.
- Адеб джокъда, намыс джокъ.
- Тенгни тенглиги джашай барсанг билинир.
- Сакъламагъан затынга джолукъсанг, не бек къууанаса, не бек ачыйса.
- Къарыусузгъа кюлме, онгсузгъа тийме.
- Акъыл къартда, джашда тюйюлдю – башдады.
- Эркишини аманы тиширыуну джылатыр.
- Къарт айтханны этмеген, къартаймаз.
- Чабакъ башындан чирийди.
- Сютден ауузу кюйген, суугъа юфгюре эди.
- Тынгылагъан тынгы бузар.
- Тик ёргени, тик энгишгеси да болады.
- Сескекли кесин билдирир.
- Ышармагъан – кюлмез, кюлмеген – къууанчны билмез.
- Къулакъдан эсе, кёзге ышан.
- Акъыл бла адеб эгизледиле.
- Къарнынг къанлынга кийирир.
- Акъыл неден да кючлюдю.
- Мал ёлсе, сюек къалыр, адам ёлсе, иши къалыр.
- Къайгъыны сюйген, къайгъы табар.
- Ана къойну – балагъа джандет.
Профиль
|
|
|||