Эльбрусоид :: Форум :: Архив форумов

Ачны эсинде – аш.
От кюйдюрген, сау болса да, тот кюйдюрген, сау болмаз.
Ашхы сёз таш тешер.
Шайтан алдады, тюзлюк къаргъады.
Суугъа – чабакъ, къаягъа – ыргъакъ.
Кёб ант этген, кёб ётюрюк айтыр.
Ана къолу ачытмаз.
Къаллай салам берсенг, аллай джууаб алырса.
Къайтырыкъ эшигинги, къаты уруб чыкъма.
Суу ичген шауданынга тюкюрме.
Тас болгъан бычакъны сабы – алтын.
Бек анасы джыламаз.
Бастасын ашагъан, хантусун да ичер.
Ишлемеген – тишлемез.
Аууздан келген, къолдан келсе, ким да патчах болур эди.
Джумушакъ терекни къурт ашар.
Азыгъы аз, алгъа къабар, аты аман, алгъа чабар.
Иги адам абынса да, джангылмаз.
Дуния малгъа сатылма, кесингден телиге къатылма.
Чабакъсыз кёлге къармакъ салгъанлыкъгъа, чабакъ тутмазса.
Атадан ёксюз – бир ёксюз, анадан ёксюз – эки ёксюз.
Ауурну тюбю бла, дженгилни башы бла джюрюген.
Махтаннган къыз, тойда джукълар.
Джылар джаш, атасыны сакъалы бла ойнар.
Экеулен сёлеше тура эселе, орталарына барыб кирме.
Билмегенинги, билгеннге сор.
Арбаз сайлама да, хоншу сайла.
Эринчекге кюн узун.
Къошда джокъгъа – юлюш джокъ.
Тёзген – тёш ашар!
Ётюрюкню башын керти кесер.
Татлы сёз – балдан татлы.
Таула не мийик болсала да, аууш табылыр.
Адамны адамлыгъы къыйынлыкъда айгъакъланады.
Арба аугъандан сора, джол кёргюзтюучю кёб болур.
Ётюрюкню къуйругъу – бир тутум.
Бек ашыкъгъан меннге джетсин, дегенди аракъы.
Келгинчи, къонакъ уялыр, келгенден сора, къонакъбай уялыр.
Кюн – узун, ёмюр – къысха.
Мухарны эси – ашарыкъда.
Керти сёзге тёре джокъ.
Ана – юйню кюн джарыгъы.
Къуру гыбыт бек дыгъырдар.
Уллу къашыкъ эрин джыртар.
Биреуню къыйынлыгъы бла кесинге джол ишлеме.
Аз айтсам, кёб ангылагъыз.
Терек ауса, отунчу – кёб.
Чыкълы кюнде чыкъмагъан, чыкъса къуру кирмеген.
Окъ къызбайны джокълайды.
Кютгени беш эчки, сызгъыргъаны уа, джерни джарады.

Логин:
Пароль:
	Запомнить меня на этом компьютере

Забыли свой пароль?
Регистрация