- Юйюнг бла джау болгъандан эсе, элинг бла джау бол.
- Ойнай билмеген, уруб къачар.
- Нёгерсизни джолу узун.
- Арбаз къынгырды да, ийнек сауалмайма.
- Ач къарынны, токъ билмез
- Иши джокъну, сыйы джокъ.
- Аллахха ийнаннган кишини, Аллах онгдурур ишин.
- Тили узунну, намысы – къысха.
- Сабийни джумушха джибер да, ызындан бар.
- Ышармагъан – кюлмез, кюлмеген – къууанчны билмез.
- Къарт айтханны этмеген, къартаймаз.
- Алгъанда – джууукъ, бергенде – джау.
- Байны оноуу, джарлыгъа джарамаз.
- Ата – баланы уясы.
- Ана къолу ачытмаз.
- Ашхы тенг джолгъа салыр, аман тенг джолдан тайдырыр.
- Сормай – алма, чакъырылмай – барма.
- Иесиз малны бёрю ашар.
- Малны кют, джерни тюрт.
- Эли джокъну – кёлю джокъ.
- Биреуню эскиси биреуге джангы болмайды.
- Джахил болса анасы, не билликди баласы?
- Дженгил джетерикме деб, узун джолну къоюб, къысхасын барма.
- Тил – миллетни джаны.
- Аманнга алтын чыдамаз.
- Ашыкъгъан cуу, тенгизге джетмез.
- Накъырда – кертини келечиси.
- Тин – байлыгъынг, терен саулугъунг.
- Акъыллы эркиши атын махтар, акъылсыз эркиши къатынын махтар.
- Зар адам ашынгы ашар, кесинги сатар.
- Арпа, будай – ащды, алтын, кюмюш а – ташды.
- Къалгъан ишге къар джауар.
- Ёзденликни кёбю ётюрюк.
- Сагъыш – къартлыкъгъа сюйюмчю.
- Уллу суу бла уллу ауруудан башынгы сакъла.
- Юйюнгден чыкъдынг – кюнюнгден чыкъдынг.
- Башланнган иш битер, къымылдагъан тиш тюшер.
- Aдам боллукъ, сыфатындан белгили.
- Джаз бир кюнню джатсанг, къыш талай кюнню абынырса.
- Адамны аты башхача, акъылы да башхады.
- Аш берме да, къаш бер.
- Иги сёз – джаннга азыкъ, аман сёз башха – къазыкъ.
- Ашатыргъа иш – ашхы, ишлетирге аш – ашхы.
- Джашны джигитлиги сорулур, къызны джигерлиги сорулур.
- Ауурну тюбю бла, дженгилни башы бла джюрюген.
- Чабакъ башындан чирийди.
- Рысхы – насыбха къор.
- Ёлген аслан – сау чычхан.
- Эки ойлашыб, бир сёлешген.
- Ушамагъан – джукъмаз.
Профиль
|
|
|||